पाेखरा र भरतपुरका उडान रद्द, तीन अन्तराष्ट्रिय विमान डाइभर्ट
पाेखरा र भरतपुरका उडान रद्द, तीन अन्तराष्ट्रिय विमान डाइभर्ट
एभरेष्ट हेडलाइन्स
आइतबार, साउन २८ २०८०
एभरेष्ट हेडलाइन्स
साउने झरीकाे वर्षाका कारण पोखरा र भरतपुरबाट हुने सम्पूर्ण उडान स्थगित गरिएका छन् । निरन्तर वर्षाका कारण देशभरको उडान प्रभावित भइरहेकाे नागरिक उड्डयन प्राधिकरणले जनाएकाे छ । गएरातिदेखिको वर्षात्को कारण मौसम खुल्न नसक्दा उडान प्रभावित भएको हो ।
.gif)
पोखरा विमानस्थलबाट हुने सबै उडान रद्द भएको छ । यस्तै, भरतपुर विमानस्थलबाट पनि वर्षात्को कारण बिहानदेखि कुनै उडान हुन सकेको छैन । भरतपुरमा मौसम खुल्नासाथ उडानका लागि अहिले ‘स्टान्डबाई’ अवस्थामा रहेको त्रिभुवन अन्तर्राष्ट्रिय विमानस्थल कार्यालयले जनाएको छ ।
यसैगरी अन्तराष्ट्रिय उडान पनि प्रभावित भएकाे छ । चीनबाट आएका इयर चाइना र सिचुवान एयरले मौसम प्रतिकूल हुँदा चीनतर्फ डाइभर्ट गरिएका छन् ।
यस्तै, भारतको दिल्लीबाट आएको जहाज पनि बनारस डाइभर्ट भएको थियो ।
.png)
