संलग्नमाथि आज काठमाडौं जिल्ला अदालतमा मुद्दा दर्ता गराइने

संलग्नमाथि आज काठमाडौं जिल्ला अदालतमा मुद्दा दर्ता गराइने

काठमाडौं । बालुवाटारस्थित चर्चित ललितानिवास जग्गा प्रकरणको मुद्दा आज काठमाडौं जिल्ला अदालतमा दर्ता गराइने भएको छ । जिल्ला सरकारी वकिल कार्यालयले मुद्दा दर्ता गराउने तयारी गरेको हो ।

ललिता निवासको १४४ रोपनी जग्गा हिनामिना प्रकरणमा नेपाल प्रहरीको केन्द्रीय अनुसन्धान ब्युरो (सीआईबी)ले संगठित किर्ते मुद्दामा अनुसन्धान गरेर गएको बिहीबार वकिल कार्यालयमा प्रतिवेदन पेस गरेको थियो । 

सोही प्रतिवदेनका आधारमा अभियोजन गरेको सरकारी वकिल कार्यालयले संगठित अपराधमा मुद्दा चल्न नसक्ने भन्दै किर्ते अभियोग मात्र दर्ता गराउन लागेको सो कार्यालय स्रोतको भनाइ छ ।

सीआईबीले ललितानिवास प्रकरणमा २३८ जनालाई प्रतिवादी बनाएको थियो ।