दैनिक ४५० जनामा डेंगी, संक्रमितको संख्या १९ हजार नाघ्यो
दैनिक ४५० जनामा डेंगी, संक्रमितको संख्या १९ हजार नाघ्यो
एभरेष्ट हेडलाइन्स
एभरेष्ट हेडलाइन्स
काठमाडौं । यो वर्ष (सन् २०२३) नेपालमा डेंगी संक्रमितको संख्या १९ हजार नाघेको छ ।
इपिडिमियोलोजी तथा रोग नियन्त्रण महाशाखा (ईडीसीडी)को तथ्यांकानुसार जनवरीयता अगस्ट २५ सम्म ११ हजार २७० जनामा संक्रमण पुष्टि भएको छ । यो तथ्यांकले दैनिक ४५० जनाभन्दा बढीमा डेंगी संक्रमण भएको देखाउँछ ।
गएको जुलाईयता संक्रमणका कारण १३ जनाको मृत्यु पुष्टि भएको छ ।
कर्णालीबाहेक सबै प्रदेशमा संक्रमितको संख्या १५० सयभन्दा माथि छ । सबैभन्दा धेरै कोसी प्रदेशमा १४ हजार ३६९ जना संक्रमित भएका छन् ।
वाग्मती प्रदेशमा दुई हजार ९९९ जना संक्रमित भएका छन् । मधेसमा १८४, गण्डकीमा ६३५, लुम्बिनीमा ३४५, कर्णालीमा ४१ र सुदूरपश्चिम प्रदेशमा ५४० जनामा संक्रमण पुष्टि भएको महाशाखाले जनाएको छ ।
वाग्मतीका धादिङ, काठमाडौं, भक्तपुर र ललितपुरमा पनि डेंगी संक्रमण निरन्तर बढिरहेको छ । धादिङमा संक्रमितको संख्या दुई हजार पाँच पुगेको छ । काठमाडौं उपत्यकाका तीन जिल्लामा ६९६ जना संक्रमित भएको ईडीसीडीको तथ्यांक छ ।
