images

Jul 24 2024 | २०८१, साउन ९ गते

मतदातालाई धन्यवाद दिन घरदैलो गर्दै रास्वपा

मतदातालाई धन्यवाद दिन घरदैलो गर्दै रास्वपा

एभरेष्ट हेडलाइन्स
शुक्रबार, कात्तिक २४ २०८०
एभरेष्ट हेडलाइन्स
शुक्रबार, कात्तिक २४ २०८०
  • मतदातालाई धन्यवाद दिन घरदैलो गर्दै रास्वपा

    काठमाडौँ । राष्ट्रिय स्वतन्त्र पार्टी (रास्वपा)ले मतदातालाई सम्झिँदै निर्वाचन भएको एक वर्षपछि घरदैलो गर्ने भएको छ। रास्वपा केन्द्रीय समिति र संसदीय दलको बैठकले २, ३ र ४ मंसिरसम्म मतदातालाई धन्यवाद दिन घरदैलोमा जाने निर्णय गरेको हो। 

    images

    ‘गत ४ मंसिरमा मत दिई विजयी गराउने मतदाताको सम्मानमा मंसिर २, ३ र ४ गते घरदैलो कार्यक्रममा जाने निर्णय गरेको छ,’ रास्वपाको विज्ञप्तिमा भनिएको छ। रास्वपा गत वर्षको ४ मंसिर निर्वाचनमा  प्रतिनिधिसभामा २० स्थानमा विजयी बनेको थियो भने १० वैशाखको उपनिर्वाचनमा एक सिट जितेर सिट संख्या २१ पुगेको छ।

    बैठकले केन्द्रीय सदस्य मोहनबहादुर थापाले केन्द्रीय समितिमा नरहन दिएको निवेदन सदर गरेको छ। बैठकले वडा अधिवेशन आयोजक समिति गठनसम्बन्धी विधि र प्रक्रिया तय गरेको रास्वपाले बताएको छ। 

    रास्वपाले पार्टीको महाधिवेशन विधिसम्बन्धी थप छलफलका लागि ११, १२ र १३ मंसिरमा महोत्तरीको जलेश्वरमा केन्द्रीय समिति र संसदीय दलको संयुक्त बैठक बस्ने निर्णय भएको जनाएको छ।

    प्रतिक्रिया दिनुहोस
    ताजा अपडेट
    ट्रेन्डिङ
    सम्बन्धित समाचार