हरिबोल गजुरेलले दिए प्रधानमन्त्रीको सल्लाहकारबाट राजीनामा 

हरिबोल गजुरेलले दिए प्रधानमन्त्रीको सल्लाहकारबाट राजीनामा 

काठमाडौँ । प्रधानमन्त्री पुष्पकमल दाहाल प्रचण्डका प्रमुख राजनीतिक सल्लाहकार हरिबोल गजुरेलले पदबाट राजीनामा दिएका छन् । उनले दिएको राजीनामा प्रधानमन्त्रीले स्वीकृत भने गरेका छैनन् । उनले मंसिर २० गते नै राजीनामा बुझाएको र प्रधानमन्त्रीले स्वीकृत नगरेको बताए ।

“मैले २० गते राजीनामा दिएको हुँ, तर स्वीकृत भएको छैन,” उनले  भने, “तर, कारण भने अहिले खुलाउँदिनँ ।” गत आम निर्वाचनमा सिन्धुलीमा टिकट नदिएपछि उनी असन्तुष्ट रहँदै आएका थिए । सिन्धुली २ बाट निरन्तर जित्दै आएका गजुरेललाई गत चुनावमा टिकट नदिएर माओवादी नेतृत्वले तत्कालिन जिल्ला अध्यक्ष राजन दाहाललाई अघि बढाएको थियो ।

प्रमुख राजनीतिक सल्लाहकार बनाएर प्रधानमन्त्री प्रचण्डले उनलाई मनाउन प्रयास गरेका थिए । तर, यो पद पनि उनको रोजाइको थियो । उनले कार्यकारी पद अपेक्षा गरेका थिए ।

स्रोतका अनुसार उनले राजीनामा पत्रमा अहिलेको अवस्थामा यो पदमा बसेर कुनै उल्लेखनीय काम गर्न सम्भव नभएको भन्दै पार्टीको काममा फर्कने उल्लेख गरेका छन् ।