सरकार–विप्लवबीचको  तीन बुँदे  सम्झौता कार्यान्वयन गर्न समाजवादी मोर्चाको आग्रह

सरकार–विप्लवबीचको  तीन बुँदे  सम्झौता कार्यान्वयन गर्न समाजवादी मोर्चाको आग्रह

काठमाडौँ । समाजवादी मोर्चाले नेपाल कम्युनिष्ट पार्टीसँग गरिएका तीन बुँदे सम्झौता कार्यान्वयन गर्न सरकारसँग माग गरेको छ।

अदालतबाट जारी भएको पक्राउ पुर्जीको विरोध गर्दै समाजवादी मोर्चाले सोमबार विज्ञप्तिमार्फत नेकपासँग भएको तीन बुँदै सम्झौता कार्यान्वय गर्न आग्रह गरेको हो ।

संयोजक नेपालले जारी गरेको विज्ञप्तिमा सम्झौता कार्यान्वयन गर्न सरकार र सम्बद्ध पक्षलाई आह्वान गरिएको छ।जिल्ला अदालत काठमाडौंले नेपाल कम्युनिष्ट पार्टीका महासचिव नेत्रविक्रम चन्द (विप्लव) र खड्गबहादुर विश्वकर्मा (प्रकाण्ड) लगायतलाई पक्राउ पुर्जी जारी गरेको थियो। अदालतले जारी गरेको आदेशप्रति समाजवादी मोर्चा नेपालको गम्भीर ध्यानाकर्षण भएको विज्ञप्तिमा उल्लेख छ।

नेकपा माओवादी केन्द्र, नेकपा एकीकृत समाजवादी, जनता समाजवादी पार्टी र नेपाल कम्युनिष्ट पार्टीले समाजवादी मोर्चा बनाएका थिए। गत मंसिर १८ गते विप्लव, प्रकाण्डलगायतलाई पक्राउ पुर्जी जारी भएको थियो। राज्यविरूद्ध कसुरका मुद्दामा उनीहरूलाई अदालतले पक्राउ पुर्जी जारी गरेको थियो।