एअरपोर्टमा प्रहरीद्वारा अध्यागमन अधिकृतमाथि कुटपिट

एअरपोर्टमा प्रहरीद्वारा अध्यागमन अधिकृतमाथि कुटपिट

काठमाडौँ । त्रिभुवन विमानस्थल अध्यागमन कार्यालयमा प्रहरीले कर्मचारीमाथि हातपात गरेका छन् । शुक्रबार बिहान चेकजाँच गर्ने क्रममा अध्यागमनका कर्मचारीले असभ्य बोलेको भन्दै प्रहरीले हातपात गरेका हुन् । 

शुक्रबारको ड्युटी सकेर अराइभलतर्फ फर्किने क्रममा प्रहरीले शरीर खानतलासी गर्ने क्रममा अध्यागमनका कर्मचारीले असम्य बोलेको भन्दै प्रहरीले कुटपिट गरेका हुन्।

विमानस्थलस्थित अध्यागमन कार्यालयका प्रमुख गोगनबहादुर हमालले पनि प्रहरीले कुटपिट गरेको बताएका छन्। प्रहरीले कुटपिट गरेको पाइएपछि दुवै पक्षबीच छलफल समेत गराइएको उनले बताए। सीसीटीभीमा समेत अध्यागमन अधिकृत छायालाल मोक्तानमाथि आक्रमण भएको देखिएको बताइएको छ।