बालुवाटारबाट १३ जना मिटरब्याज पीडितहरु पक्राउ

बालुवाटारबाट १३ जना मिटरब्याज पीडितहरु पक्राउ

काठमाडौँ । बालुवाटारबाट प्रहरीले १३ जना मिटरब्याज पीडितलाई पक्राउ गरेको छ । उनीहरूलाई प्रधानमन्त्री निवासको ३ नम्बर गेटबाट पक्राउ गरिएको हो । 

बालुवाटार क्षेत्रमा प्रदर्शन गरेको आरोपमा उनीसहित १३ जनालाई प्रहरीले पक्राउ गरेको हो । जिल्ला प्रहरी परिसर, काठमाडौँका एसपी नवराज अधिकारीले बालुवाटर वरपर प्रदर्शन गर्ने ४ महिला र ९ जना पुरुषलाई नियन्त्रणमा लिइएको बताए ।

निषेधित क्षेत्रमा जान लागेकाले उनीहरूलाई नियन्त्रणमा लिइएको एसपी अधिकारीले जानकारी दिए।

मिटरब्याज पीडितहरू भृकुटीमण्डपबाट जमल- नक्साल हुँदै बालुवाटार मार्च गर्ने योजना थियो। उनीहरूलाई प्रहरीले भृकुटीमण्डमै रोकेपछि केही पीडित बालुवाटार प्रधानमन्त्री निवास ३ नम्बरको गेट पुगेका थिए।