म्याद गुज्रेका खाद्यवस्तु रिलेबलिङ गरेर बेच्ने तीन होटल तथा रेस्टुरेन्टलाई नौ लाख जरिवाना

म्याद गुज्रेका खाद्यवस्तु रिलेबलिङ गरेर बेच्ने तीन होटल तथा रेस्टुरेन्टलाई नौ लाख जरिवाना

काठमाडौँ । वाणिज्य, आपूर्ति तथा उपभोक्ता संरक्षण विभागले म्याद गुज्रेका खाद्यवस्तु रिलेबलिङ गरेर बेच्ने तीन होटल तथा रेस्टुरेन्टलाई नौ लाख जरिवाना तिराएको छ । आइतबार नियमित अनुगमनका क्रममा ठमेल, सुन्धारा र लाजिम्पाटका होटल र रेस्टुरेन्टहरु कारबाहीमा परेका हुन् ।

ती होटल तथा रेस्टुरेन्टहरुले म्याद गुज्रेका वस्तुको रिलेवलिङ गरेको, गुणस्तर, परिमाण, मुल्य, नापतौलमा हेरफेर गरेको विभागले जनाएको छ । कारवाहीमा परेका तीन वटै होटल रेस्टुरेन्टलाई जनही तीन लाखका दरले जरिवाना तिराइएको छ ।

यसैगरी ती होटल तथा रेस्टुरेन्टबाट म्याद नाघेको १३ हजार एक सय ४४ रुपैयाँ बराबरको खाद्यवस्तु नष्टसमेय गरिएको विभागले जनाएको छ ।