तेह्रथुमको जङ्गलबाट शुरू भएको आगलागी नियन्त्रण बाहिर, १९ घरमा क्षति
तेह्रथुमको जङ्गलबाट शुरू भएको आगलागी नियन्त्रण बाहिर, १९ घरमा क्षति
एभरेष्ट हेडलाइन्स
आइतबार, चैत ४ २०८०
एभरेष्ट हेडलाइन्स
तेह्रथुम । तेह्रथुमको फेदाप गाउँपालिका वडा नम्बर १ का जङ्गलबाट शुरू भएको आगलागीले १९ वटा घर जलेका छन् । तीन वटा टोलमा आगलागी भएको वडा अध्यक्ष मनबहादुर श्रेष्ठले जानकारी दिए ।
.gif)
मध्यान्हबाट शुरू भएको आगो पिप्ले, रातमाटे लगायतका क्षेत्रमा फैलिएको थियो । वडा अध्यक्ष श्रेष्ठका अनुसार अहिलेसम्म कुनै पनि मानवीय क्षति भने भएको छैन ।
तर आगो नियन्त्रणभन्दा बाहिर रहेको उनले जानकारी दिए । आगो निभाउनका लागि स्थानीय र प्रहरीले प्रयास गरिरहेका छन् । पानी अभावका कारण नियन्त्रणमा समस्या भएको वडा अध्यक्ष श्रेष्ठको भनाइ रहेको छ ।
.png)
