सुनको मूल्यमा फेरि नयाँ रेकर्ड : एकै दिन तोलामा २ हजार ६ सय बढ्यो
सुनको मूल्यमा फेरि नयाँ रेकर्ड : एकै दिन तोलामा २ हजार ६ सय बढ्यो
एभरेष्ट हेडलाइन्स
बिहीबार , चैत ८ २०८०
एभरेष्ट हेडलाइन्स
काठमाडौँ । सुनको मूल्यले आज नयाँ रेकर्ड कायम गरेको छ। आज एकै दिन सुनको मूल्य प्रतितोला २ हजार ६ सयले वृद्धि भएको हो।
35.gif)
नेपाल सुनचाँदी व्यवसायी महासंघका अनुसार आज छापावाल सुन प्रतितोला १ लाख २७ हजार ८ सयमा कारोबार भइरहेको छ। त्यस्तै तेजावी सुनको मूल्य प्रतितोला १ लाख २७ हजार २ सय कायम भएको छ।
बुधबार छापावल सुन प्रतितोला १ लाख २५ हजार २ सयमा कारोबार भएको थियो भने तेजाबी सुन प्रतितोला १ लाख २४ हजार ६ सय रूपैयाँमा कारोबार भएको थियो। चाँदीको मूल्य पनि बढेर हालसम्मकै उच्च भएको छ ।
चाँदी आज प्रतितोला १ हजार ५ सय ५५ मा कारोबार भइरहेको छ। बुधबार चाँदी प्रति तोला १ हजार ५२० रुपैयाँमा कारोबार भएको थियो।
