कांग्रेसलाई जनताले नै सत्तामा पुर्‍याउँछन्, हतार नगरौं : प्रदिप पौडेल

कांग्रेसलाई जनताले नै सत्तामा पुर्‍याउँछन्, हतार नगरौं : प्रदिप पौडेल

काठमाडौँ । नेपाली कांग्रेसका नेता प्रदिप पौडेलले कांग्रेसका लागि सत्ता ठूलो नभएको बताएका छन्।  मंगलबार कांग्रेस नेता नवीन्द्रराज जोशीको तेस्रो स्मृति दिवसका अवसरमा आयोजित कार्यक्रममा बोल्दै नेता  पौडेलले सत्तामा जान कांग्रेसले हतार गर्न नहुने बताएका हुन्। 'कांग्रेसका लागि सत्ता ठूलो कुरा होइन। पर्खेर बसौं। नेपाली कांग्रेसलाई यो देशले आफै सत्तामा पुर्‍याउँछ,'उनले भने,' त्यसका लागि हतार नगरौं।'

नेता पौडेलले नयाँ गठबन्धन आफै सिद्धिने दावी गरे। उनले भने,'अहिले जुन गठबन्धन बनेको छ। यो चीरस्थायी हुँदैन। उहाँहरूले आ-आफूबीचमा झगडा गरेर यो गठबन्धन समाप्त गर्नेछन्।' नेपाली कांग्रेस सत्तामा जाँदैगर्दा किन जाने हो रु के गर्न जाने होरु  कुन-कुन क्षेत्रमा कसरी काम गर्ने भन्ने विषयमा स्पष्ट हुनुपर्नेमा उनले जोड दिए।

मुलुकमा देखिएका समस्याहरूलाई समाधान गर्न सके मात्रै पार्टीलाई अगाडि बढाउन सकिने बताए। उनले नेपालको लोकतन्त्रिक आन्दोलनमाथि  देखिएका खतराविरुद्ध लड्न नविन्द्रराज जोशीजस्तै अटल भएर लाग्नुपर्नेमा जोड दिए।

लोकतन्त्रको व्यवस्थालाई संस्थागत गर्ने सवालमा र समस्या अन्त्यका लागि कांग्रेस सदैव तयार रहने उनको भनाइ छ।