कांग्रेसले सरकारको नीति तथा कार्यक्रम प्रस्तुत गर्न दिने
कांग्रेसले सरकारको नीति तथा कार्यक्रम प्रस्तुत गर्न दिने
एभरेष्ट हेडलाइन्स
एभरेष्ट हेडलाइन्स
काठमाडौँ । प्रमुख प्रतिपक्ष दल नेपाली कांग्रेसले आउँदो आर्थिक वर्षको सरकारको नीति तथा कार्यक्रम प्रस्तुत गर्न दिने भएको छ ।
.gif)
संघीय संसद्को आज बस्ने संयुक्त बैठकमा नीति तथा कार्यक्रम प्रस्तुत गर्न दिने भएको हो । सिंहदरबारस्थित संसदीय दलको कार्यालयमा जारी बैठकमा नीति तथा कार्यक्रम प्रस्तुत गर्न दिने रणनीति तय गरिएको एक संसदले जानकारी दिए ।
त्यसपछिका अरू संसदीय प्रक्रिया अघि बढाउन नदिने रणनीति तय गरिएको उनले बताए । कांग्रेसले उपप्रधान तथा गृहमन्त्री रवि लामिछाने सहकारी प्रकरणमा मुछिएको आरोप लगाउँदै संसदीय छानबिन समितिको माग गरेर संसद् अवरुद्ध गरिरहेको छ ।
आजै बिहान कांग्रेसका नेतालाई बालुवाटारमा बोलाएर प्रधानमन्त्री पुष्पकमल दाहाल ‘प्रचण्ड’ले नीति तथा कार्यक्रम प्रस्तुत गर्ने समयमा संसद् अवरोध नगर्न अनुरोध गरेका थिए ।
दिउँसो ३ बजे बस्ने संसदको बैठकमा सरकारको नीति तथा कार्यक्रम राष्ट्रपति रामचन्द्र पौडेलले प्रस्तुत गर्नेछन् ।
.png)
