विराटनगरमा कोशी प्रदेश सडक आयोजनाको गाडीमा तोडफोड र आगजनी
विराटनगरमा कोशी प्रदेश सडक आयोजनाको गाडीमा तोडफोड र आगजनी
एभरेष्ट हेडलाइन्स
आइतबार, जेठ २७ २०८१
एभरेष्ट हेडलाइन्स
काठमाडौँ । मोरङको विराटनगरमा कोशी प्रदेश सडक आयोजनाको गाडीमा तोडफोड र आगजनी भएको छ ।
आइतबार बिहान महेन्द्र मोरङ क्याम्पस अगाडि जम्मा भएका भीडले प्रदेश सडक आयोजनाको को १ झ ६४४ नम्बरको गाडीमा ढुंगा मुढा प्रहार गरी आगजनी गरेको मोरङ प्रहरीका प्रवक्ता ज्ञानेन्द्र बस्नेतले जानकारी दिए ।
'हालसम्म कसले गर्यो केही थाहा भएको छैन । कसैलाई पनि नियन्त्रणमा लिएको छैन,' उनले भने ।
मोरङको रंगेली नगरपालिकामा तोडफोड र नगर प्रहरी माथि आक्रमण गरेको आरोपमा मोरङ प्रहरीले शुक्रबार ६ जना विद्यार्थीलाई पक्राउ गरेको थियो ।
उनीहरूमाथि प्रहरीले अभद्र व्यवहारको मुद्दामा कारबाही अघि बढाएको छ । त्यसकै विरोधमा आइतबार बिहान विद्यार्थीहरूले गाडी तोडफोड गरी आगजनी गरेका हुन् ।
