संसद्मा बजगाईंको प्रस्ताव– नयाँ संसद् भवनमा मदिरा पिउने बार बनाऔँ
संसद्मा बजगाईंको प्रस्ताव– नयाँ संसद् भवनमा मदिरा पिउने बार बनाऔँ
एभरेष्ट हेडलाइन्स
एभरेष्ट हेडलाइन्स
काठमाडौँ । नेपाली कांग्रेसका सांसद राजेन्द्र बजगाईंले निर्माणाधीन संसद् भवनमा मदिरा पिउने बार बनाउनुपर्ने प्रस्ताव राखेका छन्। शुक्रवार प्रतिनिधि सभा बैठकमा विनियोजन विधेयकअन्तर्गत संस्कृति पर्यटन तथा नागरिक उड्डयन मन्त्रालयमाथि खर्च कटौती प्रस्ताव पेस गर्दै सांसद बजगाईँले विदेशी पाहुनाहरू आउँदा सोसलाइजेन गर्न बार निर्माण गर्नुपर्ने बताए ।
अमेरिकी संसद् र लन्डन स्कुल अफ इकोनमिक्सको क्यान्टिनमा पनि बार रहेको भन्दै उनले नयाँ संसद् भवनमा मदिरा पिउने बार बनाउन सरकारको ध्यानाकर्षण गराए ।
‘म सन् २००६ मा अमेरिकामा कंग्रेसम्यानको अफिस गएको थिएँ। कंग्रेस र सिनेटको अफिस घुम्ने अवसर पाएको थिएँ। सिनेटमा आतिथ्यता गर्न जाने पाहुना पर्यटकहरूका लागि बार बनाइदिँदो रहेछ, आफ्नो बारमा सोसलाइजेसन गर्दा रहेछन् । त्यहाँ ड्रिंक्स गर्न पाइन्छ,’ उनले भने, ‘अधिकांश माननीय मदिरा पिउनु हुन्न, तर लन्डन स्कुल अफ इकोनमिक्सको क्यान्टिनमा पनि बार रहेछ। त्यसको लिमिटेशन हुन्छ। अहिले बन्दै गरेको संसद् भवनभित्र विदेशी पाहुनाहरू आउँदाखेरि सोसलाइजेन गर्ने बार निर्माण गर्ने हो कि रु मैले यसमा ध्यानाकृष्ट गराउन चाहेँ।’
संसद् भवनभित्र बार निर्माण गर्दा पर्यटकीय हिसाबले महत्त्वपूर्ण हुने उनको विश्वास छ। सांसद बजगाईँले माओवादी केन्द्रकी सांसद कल्पना मियाँ मिसारले दिएको अभिव्यक्तिलाई सङ्केत गर्दै उक्त प्रस्ताव राखेका हुन् ।
