नक्कली शरणार्थी प्रकरणः बेचन झाविरुद्ध म्याद थपको तयारी 

नक्कली शरणार्थी प्रकरणः बेचन झाविरुद्ध म्याद थपको तयारी 

काठमाडौँ। नक्कली भुटानी शरणार्थी प्रकरणमा पक्राउ परेका बेचन झालाई प्रहरीले म्याद थपका लागि बिहीबार अदालत उपस्थित गराउने तयारी गरेको छ ।

जिल्ला प्रहरी परिसर, काठमाडौंले ठगी र संगठित अपराध अन्तर्गतको कसुरमा अनुसन्धानका लागि हिरासतमा राख्न अनुमति माग्न जिल्ला अदालत काठमाडौंमा उपस्थित गराउन लागेको एसपी नवराज अधिकारीले जानकारी दिए ।  

उनी गत  शुक्रबार पक्राउ परेका थिए भने अदालतले अनुसन्धानका लागि हिरासतमा राख्न यसअघि दिएको म्याद बिहीबार सकिँदैछ ।  झाको नक्कली भुटानी शरणार्थी प्रकरणको उच्च राजनीतिक तहको कनेक्सन रहेको बताइँदै आएको छ ।