मुकुलबारे निर्णय लिन रास्वपाले बोलायो केन्द्रीय समितिको बैठक

मुकुलबारे निर्णय लिन रास्वपाले बोलायो केन्द्रीय समितिको बैठक

काठमाडौं । राष्ट्रिय स्वतन्त्र पार्टी (रास्वपा) ले केन्द्रीय समितिको बैठक आह्वान गरेको छ ।मङ्गलबार बिहान ८ बजे पार्टी मुख्यालय, चस्मती वनस्थलीमा बस्नेगरी केन्द्रीय समिति बैठक आह्वान गरिएको कार्यवहाक महामन्त्री कविन्द्र बुर्लाकोटीले जानकारी दिए ।

बुर्लाकोटीका अनुसार बैठकमा एक हप्ताका लागि निलम्बनमा परेका पार्टीका महामन्त्री डा. मुकुल ढकालबारे छलफल हुनेछ । ढकालबारे थप सिफारिस गर्न पार्टीले अनुशासन आयोगलाई निर्देशन दिएको छ । त्यसअनुरूप आयोगले आइतबार नै प्रतिवेदन बुझाइसकेको छ । “त्यस प्रतिवेदनमाथि छलफल गर्छौँ मुख्य रूपमा । त्यसबाहेक अरु विषयहरू पनि छन्,” बुर्लाकोटीले भने ।

रास्वपाले समीक्षा प्रतिवेदनका नाममा पार्टी र पार्टी(नेतृत्वका प्रति विभिन्न आरोपहरू लगाएको बताएको छ । ढकालले यसअघि एक महिना ३८ जिल्ला पुगेर एक समीक्षा प्रतिवदेन तयार गरेका थिए, जहाँ मूलतस् पार्टी नेतृत्व (सभापति रवि लामिछाने) प्रति विभिन्न टिप्पणीहरू गरिएका छन् ।

उक्त प्रतिवदेनमाथि छलफल गरेपछि यसअघि रास्वपा केन्द्रीय समितिले ढकाललाई एक हप्ताका लागि कारबाही गर्ने निर्णय गरेको थियो । अब उनलाई थप कारबाही हुन्छ कि पुनस् पदस्थापन गर्छ, त्यो आयोगको प्रतिवेदनमाथि छलफल भएपछि टुङ्गो लाग्ने नेताहरूले बताएका छन् ।