माओवादीलाई पनि साथमा लिएर संविधान संशोधन गर्छौँ : योगेश भट्टराई
माओवादीलाई पनि साथमा लिएर संविधान संशोधन गर्छौँ : योगेश भट्टराई
![](https://everestheadlines.com/storage/favicon.png)
![](https://everestheadlines.com/storage/favicon.png)
![माओवादीलाई पनि साथमा लिएर संविधान संशोधन गर्छौँ : योगेश भट्टराई](https://everestheadlines.com/media-file/images/2024/07/1720436283-su8Gj.jpg)
काठमाडौँ । नेकपा एमालेका सचिव योगेश भट्टराईले नेकपा माओवादी केन्द्रलाई समेत साथमा लिएर आवश्यकताअनुसार संविधान संशोधन गरिने बताएका छन् ।
सोमबार संसद् भवन बानेश्वरमा सञ्चारकर्मीेसँग कुरा गर्दै भट्टराईले यस्तो बताएका हुन् । उनले कांग्रेस–एमालेको संख्याले मात्रै संविधान संशोधन नहुने भन्दै माओवादी लगायत दललाई साथमा लिएर अघि बढ्ने बताए ।
आफूहरू संविधान संशोधन दुईतिहाइ नभई सर्वसम्मत ढंगले गर्ने बाटोमा लाग्ने जिकिर पनि उनले गरे । संविधान संशोधन गर्न सहज नहुने देखिएकाले कांग्रेस–एमाले एकै ठाउँमा आएको तर्क उनले गरे ।
अब सबै दललाई साथमा लिएर राष्ट्रिय सरकार बनाउने जिकिर उनको छ । भट्टराईले सरकार गुमेका कारण माओवादी अध्यक्ष पुष्पकमल दाहाल प्रचण्ड आक्रोशित रहेकाले कांग्रेस र एमालेले सम्झाइरहेको पनि बताएका छन्।
भट्टराईले प्रचण्डलाई माओवादीको संख्याका आधारमा नभई व्यक्तित्वका आधारमा प्रधानमन्त्री स्वीकारेको बताए ।
राष्ट्रिय हितका विषयमा प्रचण्डले साथ दिने दाबी पनि उनले गरे । कांग्रेस–एमालेको बाटोमा सबै दलहरू हिँड्न सके शान्ति प्रक्रियालाई निष्कर्षमा पुर्याउने, संविधानलाई गतिशील बनाउने र मुलुकलाई सही दिशा दिने उनको भनाइ छ ।