रास्वपालक्षित विश्वप्रकाशको व्यङ्ग्य – सत्य बोल्दा कांग्रेसमा कसैले कारबाही भोग्नुपर्दैन
रास्वपालक्षित विश्वप्रकाशको व्यङ्ग्य – सत्य बोल्दा कांग्रेसमा कसैले कारबाही भोग्नुपर्दैन
![](https://everestheadlines.com/storage/favicon.png)
![](https://everestheadlines.com/storage/favicon.png)
![रास्वपालक्षित विश्वप्रकाशको व्यङ्ग्य – सत्य बोल्दा कांग्रेसमा कसैले कारबाही भोग्नुपर्दैन](https://everestheadlines.com/media-file/images/2024/07/1719992041-TYjul.jpg)
काठमाडौं । नेपाली कांग्रेसका महामन्त्री विश्वप्रकाश शर्माले सत्य बोल्दा कांग्रेसमा कसैले कारबाही भोग्नु नपर्ने भन्दै राष्ट्रिय स्वतन्त्र पार्टीलाई व्यङ्य गरेका छन्।
रास्वपाका महामन्त्री मुकुल ढकाललाई पदमुक्त गरिएकोबारे कटाक्ष गर्दै उनले प्रश्न र आलोचनालाई सहजै ग्रहण गर्ने बताएका छन्। ‘कांग्रेस राम्रोसँग चलेको छैन । बलियो र विजयी बन्न हामीले ढंग बदल्नैपर्छ। यति सत्य बोल्दा कांग्रेसमा कसैले कारबाही भोग्नु पर्दै,’ उनले सामाजिक संञ्जालमार्फत भनेका छन् ।
पार्टी नेतृत्वको आलोचना गर्दै समीक्षा प्रतिवेदन तयार गरेको आधारमा रास्वपाले महामन्त्री मुकुल ढकाललाई पदीय जिम्मेवारीबाट हटाएको थियो । सोहीतर्फ लक्षित गर्दै शर्माले प्रश्न, आलोचना र विरोध सहज ग्रहण गर्नुपर्ने बताए । ‘प्रश्न, आलोचना र विरोध सहज ग्रहण गरेरै, त्यो युगदेखी यो समयसम्म कांग्रेस जीवन्त छ र रहिरहनेछ, रुपान्तरणको संकल्प कार्यान्वयन गर्दै बढ्छौं हामी ’ उनले भने ।