आगामी निर्वाचनमा माओवादीलाई साथ नलिने सर्तमा नयाँ गठबन्धन बनेको हो : ईश्वर पोखरेल
आगामी निर्वाचनमा माओवादीलाई साथ नलिने सर्तमा नयाँ गठबन्धन बनेको हो : ईश्वर पोखरेल
![](https://everestheadlines.com/storage/favicon.png)
![](https://everestheadlines.com/storage/favicon.png)
![आगामी निर्वाचनमा माओवादीलाई साथ नलिने सर्तमा नयाँ गठबन्धन बनेको हो : ईश्वर पोखरेल](https://everestheadlines.com/media-file/images/2024/07/1721450509-qY6B6.jpg)
काठमाडौँ । नेकपा (एमाले)का वरिष्ठ उपाध्यक्ष ईश्वर पोखरेलले आगामी निर्वाचनमा नेकपा (माओवादी केन्द्र)को साथ नलिने सर्तमा नयाँ समीकरण बनेको खुलासा गरेका छन् ।
शुक्रबार कतारको दोहामा भएको प्रवासी मञ्चको सातौं अधिवेशनलाई सम्बोधन गर्दै पोखरेलले आगामी निर्वाचनमा माओवादीलाई नबोक्ने सर्तमा कांग्रेस र एमालेबीच सत्ता समीकरण बनेको खुलासा गरेका हुन् । पोखरेलले राजनीति स्थायित्वका लागि कांग्रेस-एमाले सरकार बनेको बताए ।
देशमा २० सिटे पनि प्रधानमन्त्री बन्ने अवस्था आएपछि जनताको अभिमत प्राप्त दलहरूले नयाँ सरकार गठन गरेको उनको भनाइ थियो । माओवादी अध्यक्ष पुष्पकमल दाहाल प्रचण्डले चुलबुल गर्दा हुँदा खाँदाको वामपन्थी सरकार ढलेको उनले टिप्पणी गरे । प्रचण्डकै बेइमानीले वामपन्थी सरकार ढलेको उनको दाबी थियो । पोखरेलले कतारबाट भित्रिएको रेमिट्यान्सलाई कसरी व्यवस्थित गर्ने भन्ने चुनौती रहेको बताए । उनले रेमिट्यान्सको पैसा उत्पादनमा लगाउनुपर्ने धारणा राखे ।
कार्यक्रममा एमाले केन्द्रीय सदस्य उमाशंकर अरगरियाले अब नेपालमा साना पार्टीको काम नभएको बताए । मधेशका पार्टी विगतदेखि नै पद लोलुपताले फुटेको उनले दाबी गरे ।