सभापति लामिछानेको आह्वानमा सिंहदरबारमा सर्वदलीय बैठक, विपक्षी दल अनुपस्थित
सभापति लामिछानेको आह्वानमा सिंहदरबारमा सर्वदलीय बैठक, विपक्षी दल अनुपस्थित
एभरेष्ट हेडलाइन्स
एभरेष्ट हेडलाइन्स
काठमाडौं । सिंहदरबारमा सर्वदलीय बैठक प्रारम्भ भएको छ । राष्ट्रिय स्वतन्त्र पार्टी (रास्वपा)का सभापति रवि लामिछानेको पहलमा सोमबार बिहान सिंहदरबारस्थित सार्वजनिक लेखा समितिको हलमा सर्वदलीय बैठक आयोजना गरिएको हो ।
बैठकमा कानुन, न्याय तथा संसदीय मामिलामन्त्री सोविता गौतम, लामिछानेसहित रास्वपाका महामन्त्री कविन्द्र बुर्लाकोटी, नेताहरू विपीन आचार्य र दीपक बोहोरा उपस्थित छन् । नेपाली कम्युनिस्ट पार्टी (नेकपा)का तर्फबाट सहसंयोजक माधवकुमार नेपाल र नेता वर्षमान पुन बैठकमा सम्मिलित छन् । तथापि, विपक्षी दल श्रम संस्कृति पार्टीका तर्फबाट बैठकमा कुनै प्रतिनिधि सहभागी भएका छैनन् ।
यस्तै, नेपाली कांग्रेस संसदीय दलका नेता भीष्मराज आङ्देम्बे, नेत्री शाहजान खातुन, राष्ट्रिय प्रजातन्तर पार्टी (राप्रपा)का अध्यक्ष राजेन्द्र लिङ्देन, सांसद खुश्बु ओली बैठकमा उपस्थित भएका छन् । जसपा नेपालका तर्फबाट राष्ट्रियसभा सदस्य मोहम्मद खालिद पनि बैठकमा सहभागी रहेका छन् ।
