अर्थमन्त्री वाग्लेको संसदीय व्यवहारमाथि सांसद पुनको कडा प्रहार — 'पुरानाको गल्तीको आधारमा नयाँले पनि गल्ती गर्न पाइँदैन, फाइल खोल्नै छ भने मेरै पालादेखि खोलौँ'

अर्थमन्त्री वाग्लेको संसदीय व्यवहारमाथि सांसद पुनको कडा प्रहार — 'पुरानाको गल्तीको आधारमा नयाँले पनि गल्ती गर्न पाइँदैन, फाइल खोल्नै छ भने मेरै पालादेखि खोलौँ'

काठमाडौं। नेपाली कम्युनिष्ट पार्टी (नेकपा) का सांसद बर्षमान पुनले अर्थमन्त्री डा. स्वर्णिम वाग्लेलाई विपक्षी सांसदहरुले सकारात्मक सहयोगको भावना देखाउँदा उल्टै नकारात्मक प्रतिक्रिया दिने काम भएको बताएका छन् ।

प्रतिनिधिसभाको आजको बैठकमा आफ्नो मन्तव्य राख्दै सांसद पुनले प्रधानमन्त्रीले नेपाल–भारत सीमा विवादका सम्बन्धमा दिएको अभिव्यक्तिपछि थप एक संवेदनशील विषय संसदमा उठेर आएको उल्लेख गरे ।

उनले संसदको विशेष र शून्य समयमा कुराहरु उठिरहेका बेला हिजोको आर्थिक विधेयकमाथिको छलफल भएको सार्वजनिक लेखा समितिको बैठकमा जसरी अर्थमन्त्री वाग्लेले जवाफ दिनु भयो त्यसले जनप्रतिनिधिमुलक सार्वभौम संसदको अवमुल्यन भएको बताए ।

पुराना दलले ६७ वटा हेरफेर गरेकोमा मैले ७ वटामा हेरफेर गरेँ भन्ने हिसाबले मन्त्री वाग्लेले बोलेको भन्दै उनले आपत्ती जनाए ।

उनले हाउसमा टेबल भइसकेको कुरा परिवर्तन गर्ने कुरा सामान्य नभएको भन्दै उनले सूक्ष्म रूपमा अध्ययन, अनुसन्धान गर्नुपर्ने बताए । उनले अर्थमन्त्री वाग्लेले पुरानो फाइल खोल्ने कुरा गरेको भन्दै उनले आफू अर्थमन्त्री हुँदा देखि नै फाइल खोल्न चुनौती समेत दिए ।

पुरानाले गल्ती गरेको आधारमा नयाँले पनि त्यस्तै गल्ती दोहोर्याउन पाइन्छ र ? अर्थमन्त्रीज्यूले फाइल खोल्ने कुरा उठाउनु भएको छ भने खोलौँ — सुरुवात मेरै कार्यकालबाटै गरौँ,' उनले दृढतापूर्वक भने ।