रास्वपा महाधिवेशन– मन्त्री रामजी यादव 'खुल्ला मधेसी' कोटाबाट केन्द्रीय सदस्यको दौडमा
रास्वपा महाधिवेशन– मन्त्री रामजी यादव 'खुल्ला मधेसी' कोटाबाट केन्द्रीय सदस्यको दौडमा
एभरेष्ट हेडलाइन्स
बुधबार, असार १० २०८३
एभरेष्ट हेडलाइन्स
काठमाडौँ । राष्ट्रिय स्वतन्त्र पार्टी (रास्वपा)को पहिलो राष्ट्रिय महाधिवेशनमा युवा, श्रम तथा रोजगार मन्त्री रामजी यादवले 'खुल्ला मधेसी' कोटाअन्तर्गत केन्द्रीय सदस्य पदका लागि उम्मेदवारी दर्ता गराएका छन् ।
चितवनमा चलिरहेको महाधिवेशनमा उनले बुधबार केन्द्रीय सदस्य पदका लागि आफ्नो उम्मेदवारी दर्ता गरेका हुन् ।
चितवनमा असार ७ गतेदेखि सुरु भएको रास्वपाको प्रथम महाधिवेशनमा मनोनयन दर्ता गर्ने समयावधि अहिले सकिएको छ ।
यादवले आफूलाई मतदान गरी विजयी बनाउन महाधिवेशनमा सहभागी प्रतिनिधिहरूसँग समर्थनको अपिल समेत गरेका छन् ।
यसैगरी, शिक्षा तथा खेलकुद मन्त्री सस्मित पोखरेलले पनि केन्द्रीय सदस्य पदका लागि उम्मेदवारी दर्ता गराएका छन् ।
