६ महिनामा १५ अर्बका १० लाख स्मार्टफोन भित्र्याइयो

६ महिनामा १५ अर्बका १० लाख स्मार्टफोन भित्र्याइयो

काठमाडौँ । चालु आर्थिक वर्ष २०८०/०८१ को ६ महिनामा १५ अर्ब रुपैयाँभन्दा बढीका स्मार्टफोन नेपाल भित्र्याइएको छ । भन्सार विभागको तथ्यांकानुसार ६ महिनामा १० लाख १५ हजार २८६ स्मार्टफोन भित्र्याइएको हो ।

यी फोनको मूल्य १५ अर्ब पाँच करोड २७ लाख रुपैयाँ छ । यसबापत सरकारले दुई अर्ब ८० करोड रुपैयाँभन्दा बढी राजस्व संकलन गरेको छ ।

गत आर्थिक वर्षको यसै अवधिमा १३ अर्ब रुपैयाँभन्दा बढीका आठ लाख ९५ हजार ५७० स्मार्टफोन आयात गरिएको थियो । त्यसबापत सरकारले दुई अर्ब ४२ करोड रुपैयाँभन्दा बढी राजस्व संकलन गरेको थियो ।