यूएसएआईडी प्रमुखले भेटिन् अर्थमन्त्री
यूएसएआईडी प्रमुखले भेटिन् अर्थमन्त्री
एभरेष्ट हेडलाइन्स
एभरेष्ट हेडलाइन्स
काठमाडौं । उपप्रधान तथा अर्थमन्त्री विष्णुप्रसाद पौडेल र अन्तर्राष्ट्रिय विकासका लागि अमेरिकी नियोग (यूएसएआईडी) प्रमुख सामन्था पावरबीच भेटवार्ता भएको छ ।
.gif)
बुधबार सिंहदरबारस्थित अर्थमन्त्रालयमा पुगेर सामन्थाले अर्थमन्त्री पौडेलसँग भेट गरेकी हुन् । भेटका क्रममा सामन्थाले नेपालको अर्थतन्त्र, नेपाल र अमेरिकाबीचको सम्बन्ध विस्तारका साथै अमेरिकी सहयोग परियोजना (एमसीसी) को कार्यान्वयनमा जोड दिएकी छन् ।
उनले यसअघि मंगलबार परराष्ट्रमन्त्री डा. विमला राई पौड्यालसँग पनि भेटवार्ता गरेकी थिइन् ।
दुई दिने नेपाल भ्रमणमा मंगलबार काठमाडौं आइपुगेकी सामन्थाले राष्ट्रपति विद्यादेवी भण्डारी र प्रधानमन्त्री पुष्पकमल दाहाल ‘प्रचण्ड’ सँग भेटेर आजै स्वदेश फर्किने कार्यक्रम छ । अमेरिका फर्किनुअघि साँझ ५ बजे उनले पत्रकार सम्मेलन गर्दैछिन् ।
अमेरिकी विदेशमन्त्रालयको राजनीतिक मामिला हेर्ने उपमन्त्री भिक्टोरिया नुल्याण्डले नेपाल भ्रमण गरेर फर्किएको हप्ता दिन नपुग्दै सामन्था नेपाल भ्रमणमा आएकी हुन् । अमेरिकी राष्ट्रिय सुरक्षा परिषद्को सदस्यसमेत रहेकी सामन्था अमेरिकाको क्याबिनेट स्तरकी उच्च अधिकारीसमेत हुन् ।
