स्ववियु निर्वाचनमा झडपः गाेली प्रहार
स्ववियु निर्वाचनमा झडपः गाेली प्रहार
एभरेष्ट हेडलाइन्स
आइतबार, चैत ५ २०७९
एभरेष्ट हेडलाइन्स
काठमाडौँ । सत्ता गठबन्धन निकट विद्यार्थी र एमाले निकट अनेरास्ववियुको बीचमा झडप हुँदा प्रहरीले गोली चलाएको छ । बुढीनन्दा क्याम्पस, कोल्टीमा भएको झडप नियन्त्रणमा लिन हवाई फायर गरिएको हाे ।
स्ववियु निर्वाचनबारे विवाद हुँदा बाजुरामा दुईजना प्रहरी घाइते भएका छन् ।
जिल्ला प्रहरी कार्यालय बाजुराका डिएसपी कविन्द्रसिंह बोहराका अनुसार झडप नियन्त्रणमा लिन प्रहरीले अश्रुग्याँस पनि प्रहार गरेको छ ।
स्ववियु निर्वाचनको मतदान चलिरहँदा नेकपा एमालेनिकट अनेरास्ववियु र नेपाली कांग्रेस, नेकपा माओवादी केन्द्र निकट वाम(लोकतान्त्रिक गठबन्धनका विद्यार्थीहरूबीच झडप भएको थियाे ।
एकजना विद्यार्थीलाई पक्राउ गरिएको छ । मतदान सुरु भएलगत्तै विवाद भएकोमा समस्या हल गरेर मतदान सुचारु गरिएको तर, झडप भएपछि अहिले मतदान रोकिएको प्रहरी प्रमुख बोहराले बताए ।
