प्रमुख शाहलाई विद्यावारिधिका लागि फेलोसिप
प्रमुख शाहलाई विद्यावारिधिका लागि फेलोसिप
एभरेष्ट हेडलाइन्स
एभरेष्ट हेडलाइन्स
काठमाडौँ । काठमाडौँ महानगरपालिकाका प्रमुख बालेन्द्र शाह (बालेन) ले विद्यावारिधि गर्ने भएका छन् । यसका लागि काठमाडौँ विश्वविद्यालयले उनलाई फेलोसिप दिइएको छ । उनको अध्ययन विश्वविद्यालयको सिभिल इञ्जिनियरिङ् विभागमा हुने बताइएकाे छ ।
बालेनले ‘पर्यटन र अर्थतन्त्रको प्रवर्द्धनमा नेवा सम्पदा संरक्षण’ विषयलाई शोधको विषयका रुपमा छानेका छन्।
बालेनले काठमाडौं विश्वविद्यालयको सिभिल इन्जिनियरिङ विभागबाट पीएचडी गर्न आवेदन दिएका थिए । विश्वविद्यालयले केयू रिचर्स फेलोसिपका लागि बालेनलाई छनोट गरेको हो ।
मेयर बालेनले फेलोसिपका लागि छनोट भएको भनी काठमाडौं विश्वविद्यालयले पठाएको पत्र सामाजिक सञ्जाल फेसबुकमा पोस्ट गर्दै धन्यवाद दिएका छन् ।
बालेनले काठमाडौं विश्वविद्यालयका एसोसिएट प्रोफेसर डा. श्यामसुन्दर खड्काको मातहतमा रहेर पीएचडी गर्ने काठमाडौं विश्वविद्यालयले जनाएको छ ।
हेर्नुहोस् बालेनले फेसबुकमा राखेको काठमाडौं विश्वविद्यालयको पत्र
