घट्यो गोलभेँडाको मूल्य

घट्यो गोलभेँडाको मूल्य

काठमाडौँ । कालीमाटी फलफूल तथा तरकारी बजार विकास समितिले आज गोलभेँडाको मूल्य घटेको जनाएको छ । समितिले आजको तरकारीको मूल्यसूची तय गर्दै गोलभेँडाको थोक मूल्य ६५ रुपैयाँ प्रतिकिलो रहेको जनाएको छ । हिजो गोलभेँडाको थोक मूल्य प्रतिकिलो ७५ रुपैयाँ थियो ।

यस्तै, ठुलो गोलभेँडाको थोक मूल्य प्रतिकिलो ७५ रुपैयाँ छ भने सानो गोलभेँडा (लोकल)को मूल्य ५५ रुपैयाँ छ । यस्तै, टनेल गोलभेँडाको मूल्य प्रतिकिलो ६० रुपैयाँ प्रतिकिलो कायम छ । यसैगरी, रातो आलुको थोक मूल्य ५६ रुपैयाँ, मुडे आलु ५० रुपैयाँ, सुकेको प्याज ७४ हजार रुपैयाँ छ ।

समितिका अनुसार लोकल गाजरको मूल्य १४० रुपैयाँ, बन्दा ६६ रुपैयाँ र काउलीको मूल्य ९६ रुपैयाँ र रातो मुलाको मूल्य ९५ रुपैयाँ छ । लाम्चो भन्टा ५५ रुपैयाँ, बोडी ८५ रुपैयाँ, तिते करेला ९६ रुपैयाँ र लौकाको मूल्य ४५ रुपैयाँ प्रतिकिलो छ । यसबाहेक, तोरीको सागको मूल्य ५५ रुपैयाँ र हरियो प्याज १९० रुपैयाँ छ भने रायोको सागको मूल्य १५६ रुपैयाँ छ ।