सेयर कारोबार ७९ करोड ६८ लाख रुपैयाँमा खुम्चियो

सेयर कारोबार ७९ करोड ६८ लाख रुपैयाँमा खुम्चियो

काठमाडौँ । मंगलबार सेयर बजारमा कुल ७९ करोड ६८ लाख रुपैयाँ बराबरको कारोबार भएको छ । हिजो १ अर्ब ९ करोड रुपैयाँको कारोबार भएको थियो । नेप्से परिसूचक भने अघिल्लो दिनको तुलनामा ६.४५ अंक घटेको छ । सो अंकको कमीपछि नेप्से १९६१ अंकमा कायम भएको छ ।

कुल ७१ कम्पनीको मूल्य बढ्दा १५१ को घट्यो भने ७ को स्थिर रहृयो । बैंकिङ २.९, विकास बैंक ४, फाइनान्स १२, होटल तथा पर्यटन ४३, जलविद्युत् १३, जीवन बीमा ६८, माइक्रोफाइनान्स ७, निर्जीवन बीमा ५८, अन्य उपसमूह ३ अंक घटे । ब्यापार १३ र उत्पादन उपसमूह १९ अंक बढे ।

नेरुडे लघुवित्तको मूल्य ९.८ प्रतिशत बढ्यो भने लिबर्टी इनर्जीको करिब १० प्रतिशत घट्यो । कारोबार रकमका आधारमा हिमालय एभरेस्ट इन्स्योरेन्स संस्थापक, साल्ट ट्रेडिङ, आईएमई लाइफ इन्स्योरेन्स, घोराही सिमेन्ट र एभरेस्ट बैंक क्रमशः अगाडि रहे ।