कम्पनीमाथि निगरानी राख्दै सरकार, अबबाट कारोबार बैकिङ प्रणालीमार्फत गर्नुपर्ने
कम्पनीमाथि निगरानी राख्दै सरकार, अबबाट कारोबार बैकिङ प्रणालीमार्फत गर्नुपर्ने
![](https://everestheadlines.com/storage/favicon.png)
![](https://everestheadlines.com/storage/favicon.png)
![कम्पनीमाथि निगरानी राख्दै सरकार, अबबाट कारोबार बैकिङ प्रणालीमार्फत गर्नुपर्ने](https://everestheadlines.com/media-file/images/2023/09/1694150769-N2erd.jpg)
काठमाडौं । सेयरधनीले कम्पनीलाई सेयर बापतको रकम दाखिला गर्दा कम्पनीको खातामा बैंकिङ प्रणालीमार्फत् चुक्ता गर्नुपर्ने भएको छ ।कम्पनी रजिष्ट्रार कार्यालयले कम्पनीको सेयर बाँडफाँट, किनबेच, लगत व्यवस्थापन लगायतमा संशोधन गर्दै सबै काराबोर बैंकिङ प्रणालीबाट गर्नुपर्ने व्यवस्था गरेको हो।
कम्पनीको भदौ १० मा बसेको बैठकले कम्पनी ऐन २०६३ को दफा १६ तथा दफा १७८ ले दिएको अधिकार प्रयोग गरी यस्तो संशोधन गरेको कम्पनी रजिष्ट्ररको कार्यालयले जनाएको छ ।
प्राकृतिक व्यक्तिले १० लाख रुपैयाँभन्दा कम मूल्यको सेयर खरीद बिक्री गर्दा नगदै कारोबार गर्न सकिने छ भने बैंक स्टेटमेन्ट नभएको खण्डमा पनि अभिलेख स्वीकार गर्न सकिने कम्पनी रजिष्ट्रार कार्यालयले जनाएको छ ।
यस्तै भदौ १८ पछि स्थापना भएका कम्पनीले पहिलो वार्षिक साधारणसभा गर्नुभन्दा अगाडी अनिवार्य रुपमा सेयर बाँडफाँड गरी कबुल गरेको सेयर रकमको पुरा वा आंशिक रकम चुक्ता गरी सेयर लगत अभिलेख गराउँने र सेयर लगत प्रमाणित गरेपछि मात्र कम्पनीको अद्यावधिक लगायत प्रशासनिक काम गर्नुपर्ने कम्पनीले जनाएको छ ।
कम्पनीको दर्ता, किनबेचलगायत आर्थिक कारोबार हुने व्यवस्थालाई थप विश्वासिलो बनाउन तथा बैंकिङ प्रणालीमा आबद्ध गर्दै लैजाने गरी केही प्रावधानहरू संशोधन गरिएको कम्पनी रजिष्ट्रार कार्यालयले जनाएको छ ।