विश्वव्यापी ऋणको भार महामारी अघिको भन्दा निकै माथि
विश्वव्यापी ऋणको भार महामारी अघिको भन्दा निकै माथि
सार्वजनिक र निजी दुवै ऋणसहित कुल ऋण गत वर्ष विश्वको कुल गार्हस्थ्य उत्पादन (जीडीपी) को २३८ प्रतिशत रहेको उल्लेख गरेको छ।
![](https://everestheadlines.com/storage/favicon.png)
![](https://everestheadlines.com/storage/favicon.png)
![विश्वव्यापी ऋणको भार महामारी अघिको भन्दा निकै माथि](https://everestheadlines.com/media-file/images/2023/08/1690877363-ebzFz.jpg)
अन्तर्राष्ट्रिय मुद्रा कोष (आइएमएफ) ले गत वर्ष आर्थिक उत्पादनको अनुपातमा गिरावट आए पनि विश्वव्यापी ऋणको भार महामारीअघिको भन्दा निकै माथि रहेको बताएको छ।
आईएमएफले विज्ञप्ति जारी गर्दै सार्वजनिक र निजी दुवै ऋणसहित कुल ऋण गत वर्ष विश्वको कुल गार्हस्थ्य उत्पादन (जीडीपी) को २३८ प्रतिशत रहेको उल्लेख गरेको छ।
उक्त ऋण सन् २०१९ को तुलनामा ९ प्रतिशत बढी रहेको आईएमएफको भनाइ छ। आईएमएफले उच्च सार्वजनिक ऋण हुनु विश्वव्यापी विकासमा देखिएको सुस्तता रहेको औँल्याएको छ।
सार्वजनिक ऋण निजी ऋणको तुलनामा सुस्त दरमा घटिरहेको आईएमएफको भनाइ छ। ‘वित्तीय घाटाले सार्वजनिक ऋणको स्तरलाई उच्च राखेको छ, किनकि धेरै सरकारहरूले वृद्धिलाई बढावा दिन र महामारीसँग सम्बन्धित वित्तीय समर्थन समाप्त भए तापनि खाद्य र ऊर्जाको मूल्य वृद्धि रोक्न बढी खर्च गरेका छन्,’ आईएमएफले भनेको छ।
आईएमएफका अनुसार यो वृद्धिको ठूलो हिस्साका लागि चीन जिम्मेवार छ। न्यून आय भएका देशहरूमा ऋण पनि बढ्दै गएको छ, जसले ‘चुनौती र कमजोरी’ हरू सिर्जना गरेको छ।