४५ वर्षीया महिलालाई बलात्कार गरेको आरोपमा १ जना पक्राउ

 ४५ वर्षीया महिलालाई बलात्कार गरेको आरोपमा १ जना पक्राउ

उदयपुर । उदयपुरमा ४५ वर्षीया महिलालाई बलात्कार गरेको आरोपमा एक जना पक्राउ परेका छन् ।  पक्राउ पर्नेमा कटारी नगरपालिका ८ बेलटार मरुवाका ५० वर्षीय टंकबहादुर कार्की छन् । उनलाई सोमवार दिउँसो पक्राउ गरिएको प्रहरीले जनाएको छ ।

कार्कीले ती महिलालाई घर नजिकै पाखाबारीमा जबरजस्ती करणी गरेको भन्ने उजुरीको आधारमा इलाका प्रहरी कार्यालय कटारीबाट खटिएको प्रहरीले उनलाई पक्राउ गरेको हो । थप अनुसन्धान भइरहेको प्रहरीले जनाएको छ ।