प्रहरी ऐनको मस्यौदा गृहबाट पारित भएर अर्थमा गएको छ  : गृहमन्त्री

प्रहरी ऐनको मस्यौदा गृहबाट पारित भएर अर्थमा गएको छ  : गृहमन्त्री

काठमाडौँ । गृहमन्त्री रमेश लेखकले नेपाल प्रहरी ऐनको मस्यौदा गृह मन्त्रालयबाट पारित भएर अर्थ मन्त्रालयमा पठाएको बताएका छन् । शुक्रवार मन्त्रालयमा पत्रकारहरूसँग कुरा गर्दै मन्त्री लेखकले  मस्यौदा गृहबाट पारित भएर अर्थमा गएको बताएका हुन् ।

उनले भने  ‘चाँडो संसदमा प्रस्तुत गर्ने योजना छ ।’  केपी ओली नेतृत्वको मन्त्रिपरिषद् गठन भएको १ सय दिनमा प्रहरी ऐन संसदमा दर्ता गर्ने उनले बताएका छन् । उनले भने, ‘हामीले यो काम १ सय दिनमा पुरा गर्छौँ ।’

 निर्वाचन सम्बन्धी ९ वटा कानुन एकीकृत गरेर एउटै कानुन बनाउने प्रक्रिया अघि बढेको लेखकले बताए । उनले भने, ‘सशस्त्र प्रहरी र अध्यागमन विधेयक तयारीको चरणमा छ ।’  प्रहरी चारित्रिक प्रमाणपत्र सम्बन्धी निर्देशिका स्वीकृत गरेर क्याबिनेट पठाए उनले बताए । उनले भने, ‘समय सापेक्ष कानुन निर्माण गर्ने र सम्बन्धित संस्थालाई कानूनद्वारा नै सञ्चालन गर्ने मेरो लक्ष्य हो ।’