मेटलाइफले नेपालमा अटुट सेवा, विश्वास र नवीनता प्रदान गरेको २३ वर्ष मनाउँदै

मेटलाइफले नेपालमा अटुट सेवा, विश्वास र नवीनता प्रदान गरेको २३ वर्ष मनाउँदै

काठमाडौँ । मेटलाइफ नेपालले डिसेम्बर ५ मा आफ्नो २३ औं वार्षिकोत्सवको अवसर मा आफ्ना ग्राहकहरूको लागि दुई दशकभन्दा बढी विश्वास, समर्पण र सेवाको सफलतालाई भव्य रुपमा मनाएको छ । यो उपलब्धिले अग्रगामी बीमा उत्पादनहरू र समाधानहरू मार्फत नेपाली परिवारहरूलाई उज्ज्वल भविष्य सुरक्षित गर्न मद्दत गर्ने मेटलाइफको अटल प्रतिबद्धता झल्काउँछ ।

एलेना बुटारोभा, बंगलादेश, मलेसिया, नेपाल र भियतनामका मेटलाइफ प्रमुखले, विशेष उत्सवको नेतृत्व गर्न काठमाडौंको भ्रमण गरेकी थिइन् । मेटलाइफका कर्मचारीहरू र उनीहरूका परिवारहरूको उपस्थितिमा गत हप्ता काठमाडौंमा भव्य वार्षिक पारिवारिक कार्यक्रम आयोजना गरिएको थियो ।  कार्यक्रममा मेटलाइफका कर्मचारीहरूको कम्पनी प्रतिको समर्पणलाई सम्मान गरिएको थियो, जसको प्रयासले कम्पनीको सफलतामा महत्वपूर्ण भूमिका खेलेको छ । 

कम्पनीको वार्षिकोत्सवको अवसरमा मेटलाइफ नेपालले आफ्नो अभिकर्ताहरुका लागि एजेन्सी र व्यवसाय सञ्चालनहरूलाई सुदृढ पार्न मद्दत गर्ने उद्देश्यका साथ “माई एजेन्सी एप“ सार्वजनिक गरेको छ । एपले अभिकर्ताहरुलाई बीमा योजना र अनुप्रयोगहरू व्यवस्थापन गर्न र ग्राहकहरूसँग नजिकको सम्बन्ध बनाउन अझ सजिलो बनाउँनेछ ।

मेटलाइफ नेपालका महाप्रबन्धक निर्मलकाजी श्रेष्ठले भने, “यो उपलब्धि हाम्रा ग्राहकहरूले हामीमाथि राखेको विश्वास र हाम्रा कर्मचारीहरु र अभिकर्ताहरुको समर्पणको प्रमाण हो । हामीले नेपालमा २३ वर्षको वार्षिकोत्सव मनाउँदै गर्दा, हामी हाम्रा ग्राहकहरूलाई आत्मविश्वासका साथ आफ्नो भविष्य सुरक्षित गर्न सशक्त बनाउने समाधानहरू नवप्रवर्तन र वितरण गर्न प्रतिबद्ध छौं ।“

२३ वर्षको सफल सञ्चालनका साथ, मेटलाइफ नेपालले हजारौं नेपालीहरूको जीवनमा एक विश्वसनीय कम्पनीको रूपमा आफ्नो स्थानलाई पुनः पुष्टि गर्दै भरपर्दो बीमा समाधानहरू उपलब्ध गराउने मार्गमा नेतृत्व गरिरहेको छ ।