सानिमा बैंक र नेपाल क्लियरिङ हाउस लिमिटेडबीच Alipay+ मार्फत अन्तरदेशीय QR भुक्तानी गर्ने सम्झौता
सानिमा बैंक र नेपाल क्लियरिङ हाउस लिमिटेडबीच Alipay+ मार्फत अन्तरदेशीय QR भुक्तानी गर्ने सम्झौता
एभरेष्ट हेडलाइन्स
एभरेष्ट हेडलाइन्स
सानिमा बैंकले नेपाल क्लियरिङ हाउस लिमिटेडसँग Alipay+ नेटवर्क प्रयोगकर्ताहरुलाई सहज रुपमा अन्तरदेशीय QR भुक्तानी गर्न सम्झौता गरेको छ ।
.gif)
यस सम्झौता अन्तर्गत, चीन, हङ्गकङ्ग, सिंगापुर, मलेसिया, इन्डोनेसिया, फिलिपिन्स, मङ्गोलिया, थाईल्याण्ड, दक्षिण कोरिया, स्वीडेन तथा इटली लगायतका देशहरुबाट नेपाल आएका पर्यटकहरु र Alipay+ प्रयोगकर्ताहरुले डोमेस्टिक वालेट मार्फत नेपालमा रहेका NEPALPAY QR तथा यसका interoperable QR मा सजिलै भुक्तानी गर्न सक्नेछन् ।
उक्त सम्झौता पत्रमा सानिमा बैंकका तर्फबाट प्रमुख निक्षेप अधिकृत हेमराज संज्याल र नेपाल क्लियरिङ हाउसका तर्फबाट प्रमुख कार्यकारी अधिकृत निलेश मान सिंह प्रधानले हस्ताक्षर गरे ।
सानिमा बैंकको नेपाल क्लियरिङ हाउससंगको यस सहकार्यले नेपालमा पर्यटकहरुलाई सहज र सुरक्षित डिजिटल भुक्तानीको प्रबद्र्धन गर्ने उद्देश्य रहेको छ । सानिमा बैंकका देशका सातै प्रदेशमा १३४ कार्यालयहरु तथा १२५ वटा ए.टि.एम. सञ्जाल रहेका छन् ।
.png)
