images

Nov 17 2026 | २०८३, मंसिर १ गते

असार तेस्रो हप्तादेखि सुकुम्बासीलाई जग्गा वितरण सुरु गर्ने सरकारको तयारी

असार तेस्रो हप्तादेखि सुकुम्बासीलाई जग्गा वितरण सुरु गर्ने सरकारको तयारी

एभरेष्ट हेडलाइन्स
बुधबार, असार १० २०८३
एभरेष्ट हेडलाइन्स
बुधबार, असार १० २०८३
  • असार तेस्रो हप्तादेखि  सुकुम्बासीलाई जग्गा वितरण सुरु गर्ने सरकारको तयारी

    काठमाडौं । सरकारले आउँदो असार महिनाको तेस्रो हप्तादेखि बर्दिया जिल्लाका सुकुम्बासी परिवारलाई ४ आनाका दरले जग्गा बाँडेर भूमिहीनहरूका लागि जग्गा वितरण अभियान थाल्ने तयारी गरेको छ ।

    भूमि व्यवस्था, सहकारी, सङ्घीय मामिला तथा सामान्य प्रशासन मन्त्रालयले लगत संकलन सम्पन्न भइसकेका जिल्लाहरूमा क्रमशः जग्गा वितरण गर्न लागेको हो । बर्दियापछि तनहुँ, बाँके, झापा र मकवानपुरलगायत जिल्लामा पनि यो प्रक्रिया अघि बढाइने छ ।

    मन्त्रालयको तथ्यांकअनुसार हालसम्म दुई लाखभन्दा बढी सुकुम्बासीको लगत संकलन भइसकेको छ । प्रमाणीकरण भएका प्रत्येक सुकुम्बासी परिवारलाई चार आना जमिन उपलब्ध गराइने भएको हो, जो सम्बन्धित जिल्लाकै सरकारी स्वामित्वको जग्गाबाट दिइनेछ ।

    यसअघि गत जेठ १९ गते सरकारले उच्च अदालतका पूर्वन्यायाधीश बलभद्र बाँस्तोलाको संयोजकत्वमा एक समिति गठन गरेको थियो । उक्त समितिले सम्बन्धित जिल्लाका प्रमुख जिल्ला अधिकारीको नेतृत्वमा थप उपसमिति पनि बनाएको छ । अघिल्लो भूमि आयोगले सार्वजनिक गरेको तथ्यांकअनुसार देशभरि १२ लाख ९ हजार ५८५ सुकुम्बासी रहेका छन् ।

    प्रतिक्रिया दिनुहोस
    ताजा अपडेट
    ट्रेन्डिङ
    सम्बन्धित समाचार

      ताजा अपडेट