कक्षा १२ काे परीक्षाफलकाे अन्तिम तयारी गर्दै परीक्षा बाेर्ड

कक्षा १२ काे परीक्षाफलकाे अन्तिम तयारी गर्दै परीक्षा बाेर्ड

राष्ट्रिय परीक्षा बाेर्ड ले कक्षा १२ काे परीक्षाफल निकाल्ने अन्तिम तयारी गरेकाे छ । परिषदका अनुसार अहिले तथ्यांक रुजु गर्ने काम भइरहेको छ । कुनै प्राविधिक कठिनाई नआए यस वर्षको कक्षा १२ को नतिजा २८ वा २९ गतेभित्र प्रकाशन गर्ने तयारी गरिएको छ । तर, केही प्राविधिक कठिनाई आए एक दुई दिन बढि लाग्न पनि सक्ने बताइएकाे छ ।

 राष्ट्रिय परीक्षा बोर्डका सहसचिव एवम् प्रवक्ता जङ्गबहादुर अर्यालका अनुसार नतिजा प्रकाशनको तयारी अन्तिम चरणमा रहेकाले  परीक्षाफल साउनकाे अन्तिमसम्ममा आउनेछ । 

उनले भने, ‘कक्षा १२ को नतिजा प्रकाशनको अन्तिम तयारी भइरहेको छ।  अहिले परीक्षार्थीको प्राप्तांक रुजु भइरहेकाे छ ।'

उनका अनुसार परीक्षामा करिब ४ लाख ६७ हजार ३८९ परीक्षार्थी सहभागी भएका थिए। तीमध्ये ५६ हजारभन्दा बढी परीक्षार्थीले नम्बर थोरै आएका विषयमा ग्रेड वृद्धि परीक्षा दिएका थिए। 

परीक्षा ७७ वटै जिल्लाका १ हजार ४५३ परीक्षा केन्द्रबाट वैशाख २६ देखि जेठ ५ गतेसम्म सञ्चालन भएको थियो।