Feb 25 2024 | २०८०, फागुन १३ गते

images

गाईजात्राको अवसरमा सिड्नीमा नेपग्याजम कमेडी नाईट आयोजना

गाईजात्राको अवसरमा सिड्नीमा नेपग्याजम कमेडी नाईट आयोजना

एभरेष्ट हेडलाइन्स
मंगलबार, भदौ १२ २०८०
एभरेष्ट हेडलाइन्स
मंगलबार, भदौ १२ २०८०
  • गाईजात्राको अवसरमा सिड्नीमा नेपग्याजम कमेडी नाईट आयोजना

    काठमाडौँ। गाईजात्राको अवसर पारेर अष्ट्रेलियाको सिड्नीमा नेपग्याजम कमेडी नाईट आयोजना हुने भएको छ । आगामी सेप्टेम्बर ३ मा सिड्नीको अबर्नस्थित सफायर फङ्सन सेन्टरमा थ्री बिज इन्टरटेन्मेन्टले नेपग्याजम कमेडी नाईट आयोजना गर्न लागेको हो ।

    कार्यक्रममा कमेडियन लेखमणी त्रिताल (रमेश अंकलको छोरो), उमेशकुमार गौतम (युकेजी), रुपक बुढाथोकी, रोहन सिलवाल, म्याक्स बाबु, बिजयजंग थापा लगायतका कलाकारहरुको प्रस्तुती रहने छ ।

    नेपाली कला संस्कृतीको जगेर्ना गर्ने उद्धेश्यका साथ विदेशी भूमिमा रहेका नेपालीलाई मनोरञ्जन दिनसमेत कमेडी नाइटको आयोजना गर्न लागिएको आयोजक संस्था थ्री बिज इन्टरटेन्मेन्टले जनाएको छ । गाईजात्रा र बुवाको मुख हेर्ने पर्वलाई लक्षित गरेर आयोजना गर्न लागिएको कार्यक्रमको प्रमुख प्रायोजक गोर्खा ज्युलरी रहेको छ ।

    कार्यक्रमका लागि टिकटको मूल्य २२ डलर कायम गरिएको छ । विद्यार्थी लक्षित गरेर टिकटको मूल्य निर्धारण गरिएको आयोजक संस्थाका संस्थापक सन्दिप चौधरीले जानकारी दिए । यस्तै, कार्यक्रममार्फत बिदेशी भुमिमा नेपालको संस्कृतिको जगेर्नाको लक्ष्य पनि राखिएको छ । अष्ट्रेलियामा उल्लेख्य संख्यमा नेपाली विद्यार्थीहरु अध्ययनरत छन् ।

    नेपग्याजम युवापुस्ताद्धारा अत्याधिक रुचाईएको कमेडी च्यानल हो । नेपग्याजमका कमेडीयन यूकेजी र त्रितालले विगतमा सगरमाथाको कालापत्थरमा पुगेर आफ्नो कमेडी कला प्रस्तुत गर्दै विश्वको अग्लो स्थानमा स्ट्याण्डअप कमेडी गरेको रेकर्ड गिनिज बुक अफ वल्डमा लेखाएका थिए ।

    नेपग्याजम आबद्ध कमेडीयनहरुले देश तथा विदेशमा आफ्ना कमेडीयन कलाकारहरुमार्फत विभिन्न अवसर पारेर आफ्ना प्रस्तुतीहरु पस्कदै आइरहेका छन् ।

    प्रतिक्रिया दिनुहोस
    ताजा अपडेट
    ट्रेन्डिङ
    सम्बन्धित समाचार

      ताजा अपडेट