जापान-सम्बन्धित अनुसन्धान अनुदान अवसरमा सूचना साझेदारी सत्र सम्पन्न

जापान-सम्बन्धित अनुसन्धान अनुदान अवसरमा सूचना साझेदारी सत्र सम्पन्न

काठमाडौँ । दि सुमितोमो फाउन्डेसन, टोकियोले प्रदान गरेको जापान सम्बन्धी अनुसन्धान अनुदान बारे जानकारी आदानप्रदान सत्र त्रिभुवन विश्वविद्यालय,नेपाल कमर्स क्याम्पसमा सम्पन्न गरेको छ । समाजको उन्नति, वातावरणीय दिगोपना, सांस्कृतिक आदानप्रदान र जापान र एसियाली देशहरूबीचको सहकार्यमा केन्द्रित रहेको फाउन्डेसनले प्रदान गर्ने अनुसन्धान अनुदानसम्बन्धी बहुमूल्य जानकारी आदानप्रदान गर्ने उद्देश्यले उक्त सत्र भएको थियो। सुमितोमो फाउन्डेसनका कार्यक्रम अधिकृत केनिची हमायाले अनुदान कार्यक्रमको औचित्यलाई प्रकाश पार्दै सत्रको नेतृत्व गरे। उनले सामाजिक सुधार र दिगो विकासमा योगदान पुर्‍याउने अनुसन्धान पहलहरूलाई बढावा दिन फाउन्डेसनको प्रतिबद्धतामा जोड दिए। विशेषगरी जापान र अन्य एसियाली देशहरूबीच सांस्कृतिक आदानप्रदानलाई प्रवर्द्धन गर्ने र सीमापार सहयोग बढाउन पनि अनुदानको लक्ष्य छ।

सत्रको प्रारम्भ प्रा.डा. राजकुमार भट्टराईले गरेका थिए । जसले जापान सम्बन्धी आफ्नो अनुसन्धान अनुभवबाट अन्तदृष्टी पनि बाडेका थिए । उनले क्याटरपिलरलाई चुनौती दिने कोमात्सुको रणनीति, ग्राहकको उत्प्रेरणाप्रति सेइकोको दृष्टिकोण, क्याननका कर्मचारीहरूको समर्पण, क्योसेराको अमिबा व्यवस्थापन प्रणाली र अन्य उल्लेखनीय अनुभवहरू जस्ता जापानी व्यवसायिक अभ्यासहरू र आविष्कारहरूका विभिन्न पक्षहरूबारे छलफल गरे। 

क्याम्पसका संकाय सदस्य महेश चन्दले हमायालाई हार्दिक स्वागत गरे। त्रिभुवन विश्वविद्यालय शिक्षक संघ (TUTA), को क्याम्पस एकाइका अध्यक्ष तुलसीराम रेग्मीले कार्यक्रमलाई सुचारु ढंगले सञ्चालन गर्नका लागि समारोहको प्रमुखको भूमिका निर्वाह गरे। लोकतान्त्रिक प्राध्यापक संघ नेपाल  (DPAN) को क्याम्पस एकाइका अध्यक्ष मदन कँडेलको समापन मन्तव्यका साथ सत्रको समापन भयो। अर्थपूर्ण छलफलमा संलग्न र सुमितोमो फाउन्डेसनद्वारा उपलब्ध गराइएका अवसरहरूमा अन्तदृष्टी प्राप्त गर्दै सत्रमा करिब दुई दर्जन शोधकर्ताहरू उपस्थित थिए। कार्यक्रमले सफलतापूर्वक शैक्षिक आदानप्रदानको लागि प्लेटफर्म सिर्जना गर्‍यो र नेपाल र जापानका अनुसन्धानकर्ताहरू बीच थप सहकार्यको ढोका खोल्यो।