भद्रपुर उडेको जहाजमा प्राविधिक समस्या भएपछि काठमाडौँ डाइभर्ट 

भद्रपुर उडेको जहाजमा प्राविधिक समस्या भएपछि काठमाडौँ डाइभर्ट 

काठमाडौँ । त्रिभुवन विमानस्थलबाट झापाको भद्रपुर उडेको बुद्ध एयरको विमानमा प्राविधिक समस्या देखिएपछि काठमाडौँ डाइभर्ट गरिएको छ ।

बुद्ध एयरका अनुसार उडान नं ९५३ को कलसाइन नाइनएन-एजेएस विमानको दायाँ इन्जिनमा समस्या देखिएको थियो । त्यसपछि पाइलटले विमानलाई काठमाडौँ डाइभर्ट गरेका हुन् ।

विमान आधा समय उडान गरिसकेको अवस्थामा काठमाडौं फिर्ता गर्नु परेको हो । विमान ११:१५ मा त्रिभुवन विमानस्थलमा सुरक्षित अवतरण गरेको छ । प्राविधिक टोलीले विमानको जाँच गरिरहेको समेत कम्पनीले जनाएको छ । यात्रुलाई अर्को विमानबाट भद्रपुर पठाउने तयारी गरिएको छ ।

काठमाडौँबाट १०:३८ मा उडेको विमानलाई अवतरणका दौरान त्रिभुवन विमानस्थलमा इमर्जेन्सी घोषणा गरिएको थियो । सोहीकारण बुद्धको विमान अवतरण गराउने क्रममा विमानस्थलमा केही बेर अन्य उडानका विमानहरुलाई होल्ड गराउनु परेको विमानस्थल स्रोतले जनाएको छ ।