‘कालो दिन’ भन्दै BJPको प्रहार, कांग्रेसको जवाफी तयार
‘कालो दिन’ भन्दै BJPको प्रहार, कांग्रेसको जवाफी तयार
कांग्रेसको जवाफी तयार
यता BJPले यसलाई कडा शब्दमा आलोचना गर्यो। BJP राष्ट्रिय अध्यक्ष नितिन नवीनले राहुल गान्धीको यो कदमलाई निन्दनीय भन्दै भारतीय राजनीतिको इतिहासमा "कालो दिन" भनेर टिप्पणी गरे। उनले भने, "राहुल गान्धीले आज जुन व्यवहार गरे, त्यो अशोभनीय थियो। यो असहमतिको राजनीति होइन, अराजकताको राजनीति थियो।"
एभरेष्ट हेडलाइन्स
एभरेष्ट हेडलाइन्स
भारतको राजनीतिमा फेरि तनाव बढेको छ। NEET परीक्षा प्रश्नपत्र लीक विवादलाई लिएर लोकसभा प्रतिपक्षी नेता राहुल गान्धी मंगलबार प्रधानमन्त्री नरेन्द्र मोदीको निवास ७ लोक कल्याण मार्ग बाहिर धर्नामा बसे। उनीसँगै प्रियंका गान्धी, कांग्रेस अध्यक्ष मल्लिकार्जुन खरगे र अन्य कांग्रेस सांसदहरू पनि धर्नामा सामेल भए। उनीहरूको मुख्य माग थियो, प्रधानमन्त्री मोदी र शिक्षामन्त्री धर्मेन्द्र प्रधानले तुरुन्त राजीनामा दिनुपर्छ।
पछि पुलिसले राहुल गान्धीलाई जबरजस्ती धर्नाबाट हटायो। साथसाथै प्रियंका गान्धी र त्यहाँ पुगेका समाजवादी पार्टीका अखिलेश यादवलाई पनि हिरासतमा लिइयो। सबैलाई छत्रसाल स्टेडियम लगियो, र केही घण्टापछि रिहा गरियो।
यता BJPले यसलाई कडा शब्दमा आलोचना गर्यो। BJP राष्ट्रिय अध्यक्ष नितिन नवीनले राहुल गान्धीको यो कदमलाई निन्दनीय भन्दै भारतीय राजनीतिको इतिहासमा "कालो दिन" भनेर टिप्पणी गरे। उनले भने, "राहुल गान्धीले आज जुन व्यवहार गरे, त्यो अशोभनीय थियो। यो असहमतिको राजनीति होइन, अराजकताको राजनीति थियो।"
जवाफमा ले पनि BJP देशभर विरोध कार्यक्रम गर्ने घोषणा गर्यो। दिल्लीमा २४ अकबर रोड स्थित कांग्रेस मुख्यालय बाहिर BJP कार्यकर्ताले घेराउ गर्ने योजना बनाएका छन् भने लखनउलगायत अन्य राज्य र जिल्लामा पनि व्यापक प्रदर्शन गर्ने तयारी भइरहेको छ।
यता जन्तर मन्तरमा अर्को प्रदर्शन पनि जारी छ, जहाँ आम आदमी पार्टीका संयोजक अरविन्द केजरीवाल पुगेर विद्यार्थीहरूको समर्थनमा बोले। उनले भने, "मोदीजीका आफ्ना बच्चा छैनन्, त्यसैले उनलाई बच्चा हुनुको अर्थ थाहा छैन। विद्यार्थीलाई पिट्नु ठीक होइन।"
राहुल गान्धीले अब आफ्नो माग विस्तार गर्दै शिक्षामन्त्री धर्मेन्द्र प्रधान र गृहमन्त्री अमित शाह दुवैको राजीनामा माग गरेका छन्। NEET प्रश्नपत्र लीक विवाद अझै राजनीतिक लडाइँको केन्द्रमा रहेको देखिन्छ।
