काठमाडौंको एक होटलमा नयाँ शैलीको नेतृत्व विकास कार्यक्रम सम्पन्न

काठमाडौंको एक होटलमा नयाँ शैलीको नेतृत्व विकास कार्यक्रम सम्पन्न

काठमाडौंको एक होटलमा नयाँ शैलीको नेतृत्व विकास कार्यक्रम सम्पन्न

काठमाडौं,  नेतृत्व विकास तालिम प्रायः प्रेरणादायी प्रस्तुति वा सामान्य कार्यशालामा सीमित हुने गरेको सन्दर्भमा, ठमेलस्थित रमादा एन्कोर बाई विन्डहम काठमाडौं (Ramada Encore by Wyndham Kathmandu Thamel) ले आँकडामा आधारित नयाँ प्रकारको नेतृत्व विकास अभ्यास सुरु गरेको छ।

अन्तर्राष्ट्रिय नेतृत्व विकास संस्था इम्प्याक्ट यस (Impact Yes) सँगको सहकार्यमा होटलले "गाला" (GALA – Gap Analysis for Leadership Alignment) नामक कार्यक्रम सञ्चालन गरेको हो। यस कार्यक्रमअन्तर्गत कर्मचारीहरूको नेतृत्व शैली वैज्ञानिक रूपमा मापन गरी व्यक्तिगत विश्लेषण र सुधारका लागि छुट्टाछुट्टै कार्ययोजना तयार पारिन्छ।

गत जुलाई २९ देखि ३१ सम्म तीन दिनसम्म चलेको यस कार्यक्रममा होटलका विभिन्न विभागका २२ जना कर्मचारी सहभागी भएका थिए, जसमा ९ जना विभागीय प्रमुख पनि थिए। विभागीय प्रमुखहरूले गाला कार्यकारी नेतृत्व मूल्याङ्कन गरेका थिए भने अन्य सहभागीहरूले मिनी-गाला भेक्टर–९ (Vector9) मूल्याङ्कन पूरा गरेका थिए। प्रत्येक सहभागीले आफ्नो नेतृत्व शैलीको व्यक्तिगत मूल्याङ्कन प्रतिवेदनसहित व्यक्तिगत कार्ययोजना प्राप्त गरेका छन्।   

होटलका महाप्रबन्धक महेश फुयालले यस कार्यक्रमबारे प्रतिक्रिया दिँदै भने, "मैले सहभागी भएका धेरै नेतृत्व तालिमभन्दा यो कार्यक्रम निकै सहभागितामूलक थियो। सबैले सक्रिय रूपमा आफ्ना विचार राखे र एक-अर्काबाट सिक्ने अवसर पाए। यस्तो साझा बुझाइले संस्थाको विकासलाई गति दिन्छ।"

यो कार्यक्रम रमादा एन्कोर काठमाडौं र इम्प्याक्ट यस बीच सन् २०२५ मा भएको सहकार्यको पहिलो प्रमुख उपलब्धि हो। दुवै संस्थाले अन्तर्राष्ट्रिय पाठ्यक्रमलाई ज्युँकात्युँ लागू गर्नुको सट्टा होटलको कार्यसंस्कृति, कर्मचारी र स्थानीय परिवेशअनुसार नेतृत्व विकास गर्ने उद्देश्य राखेका छन्। कार्यक्रम सुरु हुनुअघि भएको छलफलमा सहभागीहरूले सामान्य अनलाइन तालिमले स्थानीय कार्यपरिवेशलाई पर्याप्त रूपमा सम्बोधन गर्न नसक्ने अनुभव साझा गरेका थिए। विदेशमा तालिम लिएका कर्मचारीहरूले विभिन्न मुलुकमा नेतृत्व विकास गर्ने शैली फरक हुने बताउँदै स्थानीय सन्दर्भ बुझ्ने प्रशिक्षकसँगको प्रत्यक्ष सिकाइ बढी प्रभावकारी हुने बताएका थिए।

नेपालको पर्यटन उद्योग विस्तार भइरहेको बेला होटलहरू दक्षिण एसिया तथा दक्षिणपूर्वी एसियाका अन्य गन्तव्यसँग प्रतिस्पर्धा गरिरहेका छन्। यस्तो अवस्थामा नेतृत्व केवल तालिममा सहभागी हुने विषय मात्र नभई, व्यवस्थापकहरूले दैनिक रूपमा कसरी निर्णय गर्छन्, टोलीसँग कसरी संवाद गर्छन्, कर्मचारीलाई कसरी विकास गर्छन्, र चुनौतीपूर्ण परिस्थितिको सामना कसरी गर्छन् भन्ने पक्षसँग पनि जोडिएको विषय हो।

इम्प्याक्ट यसका सह-संस्थापक कोविद पन्थीका अनुसार, "धेरैजसो नेतृत्व तालिम प्रेरणादायी कार्यक्रममै सीमित छन्। हामीले गाला र भेक्टर–९ विकास गर्नुको उद्देश्य प्रत्येक नेतृत्वकर्ताले आफ्नो नेतृत्व शैलीलाई आँकडाका आधारमा बुझ्न सकून् भन्ने हो। नेतृत्व मापन गर्न, विश्लेषण गर्न र विकास गर्न सकिने व्यवहारहरूको समूह हो।" सह-संस्थापक किम बाडेनले थपे, "सुरुमा रमादा एन्कोर हाम्रो विधिप्रति केही शंकालु हुनु स्वाभाविक थियो। तर आज उनीहरूले प्राप्त गरेको नतिजाले त्यो विश्वास सही साबित गरेको छ। हामी कुनै संस्थाको संस्कृति परिवर्तन गर्दैनौं, बरु त्यसलाई सम्मान गर्दै त्यही संस्कृतिअनुरूप नेतृत्व विकासको प्रक्रिया तयार गर्छौं।"

कार्यक्रममा सहभागी हुटुल म्यानेजर निखिल मुखियाले आफ्नो अनुभव साझा गर्दै भने, "नेतृत्वका गुणहरू यति स्पष्ट रूपमा मापन गर्न सकिन्छ भन्ने मैले सोचेको थिइनँ। पहिलो पटक मैले आफूकहाँ सुधार गर्नुपर्ने कुरा स्पष्ट रूपमा देख्न पाएँ, र अब मसँग राम्रो नेतृत्वकर्ता बन्ने स्पष्ट मार्गचित्र छ।"

 

रमादा एन्कोर काठमाडौंले आगामी चरणमा पहिलो समूहमा सहभागी नभएका कर्मचारीलाई पनि कार्यक्रममा समेट्ने तथा व्यक्तिगत कार्ययोजनाको कार्यान्वयनका लागि नियमित कोचिङ र अनुगमन गर्ने जनाएको छ।

इम्प्याक्ट यस एक अन्तर्राष्ट्रिय नेतृत्व विकास संस्था हो, जसले मनोवैज्ञानिक विशेषज्ञता र व्यावहारिक नेतृत्व विकास उपकरणलाई संयोजन गर्दै संस्था तथा नेतृत्वकर्ताको क्षमता विकासमा काम गर्दै आएको छ। संस्थाले भेक्टर–९, गाला र प्याक्टोमिक्स लगायतका नेतृत्व विकास फ्रेमवर्क तथा मूल्याङ्कन प्रणाली विकास गरेको छ। इम्प्याक्ट यसको मुख्य कार्यालय अमेरिकाको डेलावेयर राज्यमा रहेको छ र यसले विश्वका विभिन्न देशका ग्राहक तथा साझेदारहरूसँग सहकार्य गर्दै आएको छ। भेक्टर–९: vector9.you | गाला: gala.you | प्याक्टोमिक्स: pactomics.com | इम्प्याक्ट यस: impactyes.com

रमादा एन्कोर बाई विन्डहम काठमाडौं ठमेल काठमाडौंको मुटु ठमेलमा अवस्थित आधुनिक चारतारे होटल हो। होटलले आधुनिक सुविधा र आरामदायी आतिथ्य सेवा प्रदान गर्दै आएको छ। यहाँ पटेओ रेस्टुरेन्ट, एल बेसो कारो रुफटप बार तथा चोकोस एन सब्स क्याफे सञ्चालनमा छन्। साथै, अतिथिहरूका लागि रुफटप प्लन्ज पूल, स्पा, फिटनेस सेन्टर तथा बैठक, सम्मेलन र विभिन्न कार्यक्रमका लागि लचिलो बैठक कक्षहरूको सुविधा उपलब्ध छ।

सम्पर्क सूत्र : कोविद पन्थी, सह-संस्थापक, इम्प्याक्ट यस, LLC। फोन: +९७७ ९८५ १२ ७८ २४२। इमेल: [email protected]