रेड बुलकी मातृ कम्पनी टीसीपी ग्रुपद्वारा नेपाल बाढी राहतका लागि १० लाख भाट सहयोग
रेड बुलकी मातृ कम्पनी टीसीपी ग्रुपद्वारा नेपाल बाढी राहतका लागि १० लाख भाट सहयोग
काठमाडौं, १ असोज । रेड बुलकी मातृ कम्पनी टीसीपी ग्रुपले नेपालमा हालै आएको बाढी र पहिरोबाट प्रभावित समुदायको राहतका लागि १० लाख थाई भाट सहयोग गरेको छ। टीसीपी ग्रुप नेपालमा सारस बेभरेजेजको संयुक्त उद्यम साझेदार समेत हो।
यो सहयोग रकम थाई रेडक्रस सोसाइटीमार्फत नेपाल रेडक्रस सोसाइटीलाई उपलब्ध गराइएको हो, जसले नेपालमा बाढी-पहिरोबाट प्रभावित समुदायमा राहत तथा सहयोग पुर्याउने काममा प्रयोग हुनेछ।
यो सहयोगले सारस बेभरेजेजमार्फत टीसीपी ग्रुपको नेपालमा रहेको लामो समयदेखिको उपस्थितिलाई पनि झल्काउँछ। सारस बेभरेजेजले नेपाली बजारका लागि स्थानीय रूपमै रेड बुल उत्पादन गर्दै आएको छ, र यस साझेदारीले उत्पादन, रोजगारी तथा लगानीमार्फत ब्रान्डको स्थानीय उपस्थितिलाई थप बलियो बनाएको छ।
टीसीपी ग्रुपको प्रतिनिधित्व गर्दै अन्तर्राष्ट्रिय व्यापार निर्देशक आन्द्रास डोनाउर र कर्पोरेट मामिला तथा सञ्चार निर्देशक अर्जारी सुवाङ्गुलले थाई रेडक्रस सोसाइटीलाई यो दान हस्तान्तरण गरेका थिए। सहयोग रकम कोष सङ्कलन ब्युरोका निर्देशक खान प्रचुआबमोह र उप-निर्देशक जानप्रापा विचित्चोलचाईले ग्रहण गरेका थिए।
यस योगदानमार्फत टीसीपी ग्रुपले नेपालमा विपद्बाट प्रभावित समुदाय र जारी राहत प्रयासहरूप्रति आफ्नो समर्थन विस्तार गरेको छ।सारस बेभरेजेज नेपालमा रेड बुलको स्थानीय उत्पादक तथा वितरक हो। अमरापुरीस्थित यसको उत्पादन कारखानाले टीसीपी ग्रुपको एसियाभरिको उत्पादन सञ्जालको हिस्साका रूपमा नेपाली बजारका लागि रेड बुल उत्पादन गर्छ।
