अध्यादेशबाट हाम्रो पार्टीलाई स्वतन्त्र हैसियतमा पुर्याउने षड्यन्त्र हुँदैछ : माधव नेपाल
अध्यादेशबाट हाम्रो पार्टीलाई स्वतन्त्र हैसियतमा पुर्याउने षड्यन्त्र हुँदैछ : माधव नेपाल
एभरेष्ट हेडलाइन्स
एभरेष्ट हेडलाइन्स
काठमाडौँ । सत्ता साझेदार नेकपा एकीकृत समाजवादीका अध्यक्ष माधवकुमार नेपालले आफ्नो पार्टीलाई स्वतन्त्र हैसियतमा पुर्याउने षड्यन्त्र भइरहेको बताएका छन् ।
.gif)
आइतबार काठमाडौंमा आयोजित नेकपा एकीकृत समाजवादीको महाधिवेशन प्रस्तुत हुने दस्तावेजमा आधारित ‘नेपालमा समाजवादी क्रान्ति’ विषयक अन्तक्रिया कार्यक्रममा अध्यक्ष नेपालले यसो भनेका हुन् । उनले संसद्को बजेट अधिवेशन सकिएपछि अध्यादेश ल्याएर आफ्नो पार्टीलाई स्वतन्त्र पार्टीको हैसियतमा पुर्याउँदै सांसदहरूलाई जता पनि जान सक्ने गरि षडयन्त्र भएको बताए ।
जसपा फुटाउने षडयन्त्रपछि दोश्रो तारो आफ्नो पार्टीलाई बनाइएको उनले बताए । अध्यक्ष नेपालले कम्युनिष्ट भनिएका नै कम्युनिष्टविरोधी भएको यथार्थलाई सबैले बुझ्नुपर्ने धारणा राखे ।
कम्युनिष्ट आन्दोलनहरू विभाजन भयो भनेर विचलित नहुने भन्दै पुनर्गठित गर्दै नयाँ उचाइमा पुर्याउने उनले बताए ।
अध्यक्ष नेपालले कम्युनिष्टका र देशभक्तले निरंकुशताविरोधी तथा परिवर्तन चाहने शक्तिलाई गोलबन्ध गर्दै अघि बढ्नुपर्ने बताएका छन् ।
.png)
