कांग्रेस केन्द्रीय समिति बैठक बस्दै
कांग्रेस केन्द्रीय समिति बैठक बस्दै
काठमाडौँ । नेपाली काँग्रेसको केन्द्रीय समिति बैठक आज बस्दैछ। बैठक दिउँसो १ बजे पार्टी कार्यालय सानेपामा बस्न लागेको हो।
आजको बैठकमा समसामयिक राजनीति, आन्तरिक पार्टी संरचनालगायत विषयमा छलफल हुने काँग्रेसका मुख्यसचिव कृष्णप्रसाद पौडेलले बताए। बैठक प्रत्यक्ष प्रसारण (लाइभ) गर्ने भएको छ ।
कांग्रेसले यसअघि गत साउनमा बसेको केन्द्रीय समिति बेठक पनि लाइभ गरेको थियो । ‘हामीले पहिले पनि बैठक लाइभ गरेका थियौं । आजबाट शुरू हुने बैठक पनि लाइभ हुन्छ,’ पौडेलले भने ।
आगामी १३ देखि १५ गतेसम्म कांग्रेसको महासमिति बैठक बस्दैछ । यसै बैठकको एजेण्डा तय गर्न कांग्रेसको बैठक बस्न लागेको हो । बैठकमा समसामियक राजनीति, सरकारको कार्यसम्पादन, पार्टीका आन्तरिक संरचनासहितका विषयमा छलफल हुने बताइएको छ ।