ओमानले दियो नेपाललाई १४६ रनको लक्ष्य
ओमानले दियो नेपाललाई १४६ रनको लक्ष्य
![](https://everestheadlines.com/storage/favicon.png)
![](https://everestheadlines.com/storage/favicon.png)
![ओमानले दियो नेपाललाई १४६ रनको लक्ष्य](https://everestheadlines.com/media-file/images/2023/11/1698902785-Fl2yf.jpg)
काठमाडौँ । आईसीसी टी-२० विश्वकप क्रिकेटको एसिया छनोटमा नेपालविरुद्ध ओमानले १४६ रनको सामान्य लक्ष्य प्रस्तुत गरेको छ । त्रिवि क्रिकेट मैदानमा टस हारेर सुरुमा ब्याटिङ गरेको ओमानले निर्धारित २० ओभरमा ९ विकेटको क्षतिमा १४५ रन जोडेको हो ।
उसका लागि जिसान मक्सुदले ३२ तथा प्रतिक श्रीकान्त अथावले २४ रन जोडे । बलिङतर्फ नेपालका करण केसीले तीन तथा सोमपाल कामी, सन्दीप लामिछानेले समान २ विकेट लिए । भने अभिनाश बोहराले १ विकेट हात पारे ।
यसअघि भएको खेलमा दुवै टोली अपराजित रहँदै समान चार अङ्क जोडेका छन् । तर ओमान नेटरनरेटका आधारमा शीर्षस्थानमा छ भने नेपाल दोस्रो स्थानमा छ ।
प्रतियोगितामा दुवै टोली एक खेलअगावै समूह ए बाट सेमिफाइनलमा पुगिसकेका छन् । आजको खेलले समूहको विजेता र उपविजेताको टुङ्गो लाग्नेछ ।
नेपालले आजको खेलमा कुनै पनि खेलाडीलाई परिवर्तन गरेको छैन । नेपालको प्लेइङ ११ मा कप्तान पौडेलसहित आसिफ शेख, कुशल भुर्तेल, कुशल मल्ल, विवेक यादव, सन्दीप जोरा, सोमपाल कामी, करण केसी, गुलशन झा, सन्दीप लामिछाने र अभिनाश बोहरा छन् ।