जसपाको कार्यकारिणी समिति बैठक सोमबार बस्ने
जसपाको कार्यकारिणी समिति बैठक सोमबार बस्ने
एभरेष्ट हेडलाइन्स
आइतबार, मंसिर २४ २०८०
एभरेष्ट हेडलाइन्स
काठमाडौँ । जनता समाजवादी पार्टी (जसपा) नेपालको केन्द्रीय कार्यकारिणी समितिको बैठक बस्दैछ । भोलि मंसिर २५ गते सोमबारलाई केन्द्रीय कार्यकारिणी समितिको बैठक आह्वान गरिएको हो ।
बैठकमा आउँदो माघमा हुने राष्ट्रिय सभा निर्वाचन, यसबीचमा पार्टीले सञ्चालन गरेको प्रदेशस्तरीय प्रशिक्षक प्रशिक्षण, तीन महिने पार्टी विस्तार तथा सुदृढीकरण अभियानको समीक्षा गरिने जसपाले जनाएको छ ।
बैठक ललितपुरस्थित पार्टी केन्द्रीय कार्यालय बालकुमारीमा बिहान ११ बजे बस्ने अध्यक्ष उपेन्द्र यादवको सचिवालयले जनाएको छ ।
