सिनामंगलको एक होटलमा युवायुवती मृत भेटिए

सिनामंगलको एक होटलमा युवायुवती मृत भेटिए

काठमाडौँको सिनामंगलस्थित एक होटलमा युवायुवती मृत भेटिएका छन् । काठमाडौँ महानगरपालिका- ९ सिनामंगलस्थित एक होटलमा आइतबार बिहान उनीहरू मृत भेटिएका जिल्ला प्रहरी परिसर काठमाडौँका प्रवक्ता  एसपी नवराज अधिकारीले जानकारी दिए।

सुनसरीका ३४ वर्षीय रमेश माझी र मोरङकी २९ वर्षीया सर्मिलाकुमारी माझी होटलको चौथो तलाको बरन्डामा झुन्डिएको अवस्थामा मृत फेला परेका हुन्।  

उनीहरूको साथबाट पासपोर्ट बरामद भएको प्रहरीले जनाएको छ । एसपी अधिकारीका अनुसार उनीहरू शनिबार साँझ उक्त होटलमा पुगेका थिए ।  जिल्ला प्रहरी परिसर काठमाडौँ र उपत्यका अपराध अनुसन्धान कार्यालयको टोली घटनास्थल पुगेको छ । थप अनुसन्धान भइरहेको प्रहरीले जनाएको छ।