आँखा पाक्ने रोगले समस्याको रुप लिँदै,विद्यालयहरू पाँच दिनका लागि बन्द

आँखा पाक्ने रोगले समस्याको रुप लिँदै,विद्यालयहरू पाँच दिनका लागि बन्द

सिन्धुली । आँखा पाक्ने रोग फैलिएर प्रकोप हुन थालेपछि सिन्धुलीको कमलामाई नगरपालिकाका विद्यालयहरू पाँच दिनका लागि बन्द गरिएको छ ।

२२ गते सोमबारदेखि २६ गते शुक्रबारसम्मका लागि सामुदायिक, संस्थागत विद्यालयहरू बन्द गरिएको नगरपालिकाका प्रमुख उपेन्द्रकुमार पोखरेलले जानकारी दिए । विद्यार्थी तथा शिक्षकहरूमा समेत आँखा पाक्ने रोगबाट ग्रसित भएकाले नफैलियोस् भनेर विद्यालय बन्द गर्नुपरेको नगरप्रमुख पोखरेलको भनाइ छ ।

सिन्धुली अस्पताल तथा सदरमुकामका मेडिकलहरूमा आँखा पाक्ने रोगको औषधि लिनका लागि दुई दिनअघिदेखि भीड बढेको छ । नगरपालिकाले सरसफाइ, आँखामा चस्मा र भिडभाडमा नजानका लागि अनुरोध गरेको छ ।

औषधि व्यवसायी माधव देवकोटाकाले आँखा पाक्ने रोगको औषधि लिनका लागि बिरामीहरू ओइरिएको बताए ।