रास्वपा नयाँ सरकार गठनमा सहभागी नहुने
रास्वपा नयाँ सरकार गठनमा सहभागी नहुने
एभरेष्ट हेडलाइन्स
मंगलबार, असार १८ २०८१
एभरेष्ट हेडलाइन्स
काठमाडौँ । राष्ट्रिय स्वतन्त्र पार्टी (रास्वपा)ले नयाँ सरकार गठन प्रक्रियामा सहभागी नहुने निर्णय गरेको छ । रास्वपाको मङ्गलबार बिहान बसेको सचिवालय बैठकले सो निर्णय गरेको नेता सन्तोष परियारले जानकारी दिए ।
35.gif)
उनले भने, “अब बन्ने गठबन्धनमा हामी रहँदैनौं । हामी सरकारमा जाँदैनौं । अर्को सरकार बन्ने प्रक्रिया अगाडि बढेपछि हामी सरकारबाट बाहिरिन्छौं ।” उनले अहिले विभिन्न राजनीतिक दलसँग छलफल भइरहेको पनि बताए ।
उनले भने, “अहिलेसम्म सरकारमा छौं । एउटा राजनीतिक संस्कारका हिसाबमा हाम्रो संवाद भइरहेको छ ।” उनले पुराना राजनीतिक दलहरु २०४७ को संविधानको अभ्यासबाट पर जान नसकेको आरोप लगाए।
